Рөстәм Гафаров район хакимиятләре башлыкларына ветераннарның үтенечләрен шәхсән контрольдә тотарга кушты

Бүген Казанда Бөек Ватан сугышы ветераннарын котлый башладылар.

Фото: Денис Гордийко

(Казан шәһәре KZN.RU, 24 нче апрель, Юлия Летникова). Бүгеннән ветераннарга шәһәр Мэрының бүләк азык-төлек җыелмасы һәм открыткасы тапшырыла. Район администрацияләре вәкилләре ветераннарның өйләренә бара яки бүләк алу өчен туганнарын чакыралар. Бу хакта шәһәр Башкарма комитетының эшлекле дүшәмбесендә Мәдәният идарәсе башлыгы Азат Абзалов хәбәр итте.

Казанда барлыгы 4158 ветеран яши. Аларның 91 е – сугыш инвалидлары һәм сугыш катнашучылары, 62 кеше «Блокадалы Ленинградта яшәүче» билгесе белән бүләкләнә, 48 е – концлагерьларның элеккеге тоткыннары һәм 2691 е – тыл хезмәтчәннәре. Шәһәр Мэриясе һәм социаль хезмәтләр аларның һәрберсе белән адреслы эш алып бара. «Мин район администрацияләре башлыкларыннан ветераннарның котлауларын гына түгел, аларның үтенечләрен дә шәхси контрольдә тотуны сорыйм, бәйрәмнәрдә генә түгел, ә гомумән барлык сорауларга да сизгер җавап бирергә кирәк», – дип йөкләде Казан Башкарма комитеты җитәкчесе Рөстәм Гафаров.

А.Абзалов хәбәр иткәнчә, Татарстан башкаласында ветераннар өчен комплекслы диспансер тикшерүләре оештырылачак, алар 30 нчы апрельгә тулысынча тәмамланырга тиеш. Сугыш ветераннарына югары технологияле медицина ярдәме беренче чиратта күрсәтелә: МРТ тикшеренүләре, офтальмологик операцияләр, ишетү һәм теш протезлары. Быел ветераннар өчен шәһәрнең Сәламәтлек саклау идарәсе карамагындагы учреждениеләрдә стационарлар оештырылды. Алар өчен палаталарда яхшыртылган шартлар оештырылган, әмма күпчелек ветераннар өйдә дәвалануны өстен күрәләр. Шулай ук өйдә стационарлар каралган: алар табибларның даими күзәтүе астында һәм кирәкле препаратларны вакытында язып бирәләр.

Ел саен ветераннарга торакны ремонтларга ярдәм итәләр. «Быел гаризалар 5 кешедән килде, аларның һәрберсен район администрацияләре эшләячәк», – диде А.Абзалов. Ул узган ел Казанда сугышта катнашучыларның тол хатыннарына торакка 2 субсидия бүлеп бирелүен, быелның 1 нче апреленә булган мәгълүматларга караганда, ветеранның тагын 1 тол хатынына субсидия бүлеп бирелүен җиткерде. Бүгенге көндә фатир эзләнә.