Рөстәм Миңнеханов Казанның чыгарылыш укучысы Рамил Баһавиев казанышларын югары бәяләде

Рөстәм Миңнеханов Казанның чыгарылыш укучысы Рамил Баһавиев казанышларын югары бәяләде

<p> <img width="870" src="https://www.kzn.ru/upload/iblock/ba1/3953602.jpg" height="652"><br> </p> <p> (Казан шәһәре KZN.RU, 6-нчы июль) «Казан федераль университеты каршындагы Шиһабетдин Мәрҗани исемендәге Казанның 2-нче номерлы татар гимназиясе укучысы Рамил Баһавиев өч фәннән – рус теленнән, информатикадан һәм физикадан БДИны 100 баллга биргән. Математикадан – 99 балл. </p> <p> Бүген бу хакта Рамил Баһавиев Татарстан Республикасы Хөкүмәте йортында узган республика киңәшмәсендә сөйләде.  </p> <p> Татарстан Республикасы Президенты Рөстәм Миңнеханов Казан гимназиясе укучысының укудагы уңышларын югары бәяләде.  </p> <p> Ул ассызыклаганча, Рамил Баһавиев 11 ел буена татарча белем алган. </p> <p> Рамил Баһавиев рус һәм татар әдәбиятын бик әйбәт белә, мәктәптәге иҗади чараларда еш кына алып баручы булып чыгыш ясаган, уенлы спорт төрләре белән кызыксына.    </p> <p> Ул укуын Казан федераль университетының Н.И.Лобачевский исемендәге Математика һәм механика институтында дәвам итәргә җыена. </p> <p> Рөстәм Миңнеханов аңа киләчәктә дә укуында уңышлар теләде.   </p> <p> Татарстан Республикасы Президенты билгеләп үткәнчә, БДИдагы мондый нәтиҗәләр – Казанның 2-нче номерлы татар  гимназиясе укытучыларының тырыш хезмәте дә. Рөстәм Миңнеханов Рамил Баһавиевның әти-әнисенә дә рәхмәт әйтте (алар «КМПО» акционерлык җәмгыятендә инженерлар). </p>

2019-07-06T11:48:25+0300