Рөстәм Миңнеханов һәм Илсур Метшин “Штадлер” ҖЧҖ генераль директоры белән очраштылар

Казан кремлендә Татарстан белән халыкара компаниянең хезмәттәшлек итү сораулары буенча фикер алыштылар.

(Казан шәһәре KZN.RU, 19-нчы февраль). Бүген Казан кремлендә ТР Президенты Рөстәм Миңнеханов “Штадлер” ҖЧҖ генераль директоры Рөстәм Шиянов белән очрашты. Уртак проектлар буенча фикер алышуда Казан Мэры Илсур Метшин да катнашты.

Эшлекле очрашу хезмәттәшлек мәсьәләләре һәм уртак проектларны гамәлгә ашыру барышына багышланды, дип хәбәр итә ТР Президенты матбугат хезмәте.

Татарстан ягыннан очрашуда ТР Премьер-министры урынбасары – ТР сәнәгать һәм сәүдә министры Альберт Кәримов, ТР Инвестицион үсеш агентлыгы җитәкчесе Талия Миңнуллина, “Метроэлектротранс” генераль директоры Әсфән Гәләвов катнаштылар.

Белешмә

“Штадлер” компаниясе (Stadler) 1942 елда Цюрих шәһәрендә оештырылган, бүген анда 7 мең хезмәткәр эшли. Ул тимер юллары өчен күчмә составлар, шул исәптән югары тизлекле поездлар, локомотивлар, шәһәр транспорты җитештерә.

Шулай ук укыгыз

Барлык яңалыклар