Рөстәм Миңнеханов һәм Илсур Метшин «Ак Барс Арена» стадионында булдылар

Алар спорт учреждениесе эше белән таныштылар, «Арена Swim» балалар-яшүсмерләр бассейнына килүчеләр белән аралаштылар.

Фото: ТР Президенты матбугат хезмәте

(Казан шәһәре KZN.RU, 3 нче декабрь). Бүген Татарстан Республикасы Президенты Рөстәм Миңнеханов «Ак Барс Арена» стадионында булды. Ул спорт учреждениесе эше белән танышты, «Арена Swim» балалар-яшүсмерләр бассейнына килүчеләр белән аралашты, шулай ук стадионның көнчыгыш трибунасында урнашкан «КидСпейс» киңлеген карады. Чарада Казан Мэры Илсур Метшин, ТР спорт министры Владимир Леонов, ТР мәгариф һәм фән министры урынбасары Андрей Поминов һәм башкалар катнашты.

Рөстәм Миңнехановка «Спорт музее» проектын тәкъдир иттеләр. Стадион эшли башлаганнан бирле мондый музей концепциясе аның урнашу урыны һәм форматы буенча берничә тапкыр эшләнгән. Хәзер «КидСпейс» балалар пространствосы янында көнчыгыш трибунада урын сайланылган. Музейга балаларның да, стадионга килүчеләрнең дә, җанатарларның да ихтыяҗы булыр дип көтелә.

Рөстәм Миңнеханов шулай ук «Ак Барс Арена» стадионының ачык шугалагында булды, бозда хоккей уйнаучы балалар белән аралашты. «Ак Барс Арена» АҖ генераль директоры Радик Миңнәхмәтов ачык шугалакка килүчеләр өчен киенү-чишенү бүлмәләре, буфет, фотозона җиһазландырылган, дип сөйләде. Ул искә төшергәнчә, бүген, 3 нче декабрьдә, шугалакта кышкы сезон ачыла, дип хәбәр итә республика Президенты матбугат хезмәте.

Фоторепортаж

Видеорепортаж

Шулай ук укыгыз

Барлык яңалыклар