Рөстәм Миңнеханов һәм Илсур Метшин «Казан» агросәнәгать паркындагы авыл хуҗалыгы ярминкәсендә булды

Сәүдә мәйданчыгында Арча һәм Кукмара муниципаль районнары фермерлары продукциясе тәэмин ителгән иде.

(Казан шәһәре KZN.RU, 21-нче март).Бүген Татарстан Республикасы Президенты Рөстәм Миңнеханов «Казан» агросәнәгать паркында оештырылган авыл хуҗалыгы ярминкәсендә булды

Татарстан Президентын Казан Мэры Илсур Метшин, ТР Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббров, Роспотребнадзорның Татарстан Республикасы буенча идарәсе җитәкчесе – Татарстан Республикасы баш дәүләт санитар табибе Марина Патяшина һәм «Казан» агросәнәгать паркы» ААҖ генераль директоры Олег Власов озата йөрде.

Сәүдә мәйданчыгында Арча һәм Кукмара муниципаль районнары фермерлары продукциясе тәэмин ителгән. Шулай ук «Татпотребсоюз», «Яратель» кош фермасы, «Сервис-Агро», «АгроИнвест», «Татагролизинг», «Лаеш балык заводы» компанияләре, «Залесный» агрофирмасы һәм тепличный «Майский» теплица комбинаты үз товарларын куйган.

Рөстәм Миңнеханов үз продукциясен реализацияләүче авыл кешеләре белән сөйләшеп торды, куелган товарларның ассортиментын һәм бәяләрен күздән кичерде. Шулай ук Татарстан Президенты сатып алучылар белән дә әңгәмә корды, иң кирәкле товарларның булу-булмавы белән кызыксынды. Шәһәр кешеләре авыл хуҗалыгы продуктларының күп төрле булуын билгеләп үттеләр, мондый ярминкәләрнең кирәклеген ассызыкладылар.

Рөстәм Миңнехановка хәбәр ителгәнчә, бүген монда 40 тонна бәрәңге һәм яшелчә, 6 тоннадан артык сыер ите, 4,3 тонна сөт, 800 кг атланмай, 20 тонналап шикәр комы, 8 тонна он, 10 тонна төрле ярмалар, 26 тонна ашлык һәм 38,6 меңнән артык тавык йомыркасы китерелгән, дип хәбәр итә ТР Президенты матбугат хезмәте.