Рөстәм Миңнеханов һәм Илсур Метшин Казан педагогика көллиятендә булдылар

Рөстәм Миңнеханов һәм Илсур Метшин Казан педагогика көллиятендә булдылар

<p> </p> <div class="detail-picture"> <img src="https://kzn.ru/upload/iblock/559/559b27e1eddf80fe1a0f19bf6ccdf88e.jpg"> <p class="detail-picture__caption"> Фото: Денис Гордийко  </p> </div> <p> (Казан шәһәре KZN.RU, 27 нче июнь). Рөстәм Миңнеханов һәм Илсур Метшин бүген Казан педагогика көллиятендә булдылар. Учреждениедә дүрт белем бирү программасы буенча ике мең студент белем ала. Кунаклар өчен экскурсияне колледж директоры Анфиса Җәләлова үткәрде. </p> <p> Мәгариф учреждениесе үз эшен 1876 елда ук башлый. Ул вакытта ул Казан татар укытучылар мәктәбе дип аталган. Хәзерге вакытта көллияттә дүрт төп һөнәри белем бирү программасы гамәлгә ашырыла: башлангыч сыйныфларда укыту; мәктәпкәчә белем бирү; физкультура; мәгълүмати системалар һәм программалаштыру. Шулай ук мәктәпкәчә белем бирү оешмалары тәрбиячеләре һәм башлангыч сыйныф укытучылары өчен өстәмә һөнәри белем бирүнең тугыз программасы бар.  </p> <p> Татарстан Рәисенең матбугат хезмәтендә хәбәр итүләренчә, экскурсия вакытында кунаклар аудиторияләрне карап чыккан, уку процессы белән танышкан, шулай ук көллият студентлары белән аралашкан.  </p> <p> Укырга керү өчен конкурс зур – бер урынга сигез кеше. Көллиятне тәмамлаучыларның 80% тан артыгы белгечлек буенча эшкә урнаша. Быел 402 белгеч чыгарыла. Педагогик коллектив 86 укытучыдан тора.  </p> <p> 2014 елда көллият базасында ТР педагогик кадрлар әзерләү буенча ресурс үзәге ачылды. Соңгы биш елда көллият «Яшь профессионаллар» хәрәкәте стандартлары буенча Россиянең иң яхшы 100 урта һөнәри белем бирү оешмалары исемлегенә кергән.  </p> <p> <a target="_blank" href="https://rais.tatarstan.ru/pressa/videoreports/video/8942759.htm">Видеорепортаж</a> </p>

2023-06-27T19:20:38+0300