Рөстәм Миңнеханов һәм Илсур Метшин Казанның транспорт объектларын карады

Республика рәисе ТР башкаласының юл инфраструктурасын бәяләде

Бүген Татарстан рәисе Рөстәм Миңнеханов Казанның транспорт инфраструктурасы һәм юл хуҗалыгы объектларын карады. Республика башлыгын ТР Министрлар Кабинеты аппараты җитәкчесе Шамил Гафаров, ТР Транспорт һәм юл хуҗалыгы министры Фәрит Хәнифов, Казан мэры Илсур Метшин һәм башкалар озата йөрде.
«Казан-1» тимер юл вокзалы бинасында Рөстәм Миңнеханов аз хәрәкәтләнүче пассажирлар өчен төзәтелгән VIP терминалларын карады. Бинада һәм тимер юл инфраструктурасы объектларында башкарылган ремонт эшләре турында Горький тимер юлы – Россия тимер юллары филиалы башлыгы Сергей Дорофеевский сөйләде.

Аннары ТР рәисе һәм башка затлар электричкада «Вахитово» станциясенә кадәр бардылар. Алар транспортның тизлеген һәм уңайлылыгын бәяләделәр, шуннан соң аэропортка кадәр барып җиттеләр, дип хәбәр итә төбәк башлыгы матбугат хезмәте.

Юлда Рөстәм Миңнеханов «Каенлык», «Комбинат», «Юбилейная», «Столбище» перроннарын төзекләндерүнең барышы белән танышты. Казан белән Халыкара аэропорт арасындагы тимер юл участогындагы тукталыш участоклары БРИКС саммитына яңартылган.

Килеп җитүгә аэропорт перронына илтүче юлны карап чыктылар. Аннары Рөстәм Миңнеханов Җиңү проспекты районындагы «Волга» М7 автомобиль юлы кадәр сузылган Вознесение трактын карады. Соңрак «Зур Яшел Үзән» һәм Горький шоссесы проекты буенча төзелә торган юл каралды.

Шулай ук укыгыз

Барлык яңалыклар