Россия Тикшерү комитетының ТР буенча Тикшерү идарәсе җитәкчесе Казанда гражданнарны кабул итәчәк

Павел Николаевка 5 декабрьдә мөрәҗәгать итеп булачак.

(Казан шәһәре KZN.RU, 16-нчы ноябрь). 5 декабрьдә Казанда Россия Тикшерү комитетының ТР буенча Тикшерү идарәсе җитәкчесе Павел Николаев гражданнарны кабул итәчәк. Аңа бәлигъ булмаган балаларга карата кылынган җинаятьләр мәсьәләләре буенча мөрәҗәгать итеп булачак.

Гражданнарны кабул итү 10.00 сәгатьтә башлана һәм Большая Красная ур., 39 адресы буенча уза.

26 ноябрьгә кадәр (843) 221-74-14 телефоны буенча кабул итүгә язылырга мөмкин, дип хәбәр иттеләр ведомствода.