Россиянең Beyond командасы «Киләчәк уеннары»нда «Танклар дөньясы» турнирында җиңү яулады

Финалда чемпионнар Enemy командасын 7:1 исәбе белән җиңде

Фото: Денис Гордийко

Россиянең Beyond командасы «Киләчәк уеннары» фиджитал-турнирында «Танклар дөньясы» компьютер уены буенча гранд-финалда Enemy командасын (ул да РФ исеменнән чыгыш ясый) 7:1 исәбе белән җиңде. Иң көчлеләр өчлеген Белоруссиянең SOLNCE командасы япты.

Командалар турнирда 500 мең доллар уйнаттылар.

Бүген турнир финалистлары суперфиналда – шоу-матчта физик форматта өстәмә приз уйнатачак. Төшереп калдыру ысулы белән командалар дисциплиналарның берсен сайлаячак, алар арасында фиджитал-футбол, фиджитал-баскетбол һәм лазертаг бар.

Исегезгә төшерәбез, 21 нче февральдә Россия президенты Владимир Путин Татарстан башкаласында «Киләчәк уеннары» турнирына старт бирде. Ачылу тантанасы «Казан Экспо» халыкара күргәзмә үзәгендә узды.

«Киләчәк уеннары» – классик һәм цифрлы спорт төрләрен берләштерүче фиджитал-форматтагы ярышлар. Турнир программасы биш юнәлеш буенча 21 дисциплинада уза. Ярышларда 107 илдән 2 меңнән артык спортчы катнаша.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар