Россиялеләр гражданнарга социаль ярдәм күрсәтү чараларын гамәлгә ашыру белән таныша алачак

«Околица» түләүсез мәгълүмати ресурсында гражданнар учреждениеләр, оешмалар һәм предприятиеләр эше турында үз фикерләрен белдерәчәкләр.

(Казан шәһәре KZN.RU, 5-нче февраль). Россиялеләр РФ Президенты Владимир Путин тарафыннан Федераль Җыенга җиткерелгән Юлламада билгеләнгән гражданнарга социаль ярдәм чараларын гамәлгә ашыру белән таныша алачак. «Околица» түләүсез мәгълүмати ресурсында гражданнар учреждениеләр, оешмалар һәм предприятиеләр эше турында үз фикерләрен белдерә, төбәк яки муниципаль берәмлек үсешенең нәтиҗәлелеген бәяли, шулай ук урыннарда күрсәтелә торган хезмәтләрнең һәм гамәлгә ашырыла торган чараларның сыйфаты турында фикерләр бастыра ала.

Халык порталында идарә органнарының тормыш сыйфатын тәэмин итү, гражданнарга социаль һәм профессиональ яктан камилләшү өчен уңайлы мохит булдыру мөмкинлекләре турында мәгълүмат бастырыла; халыкны сыйфатлы белем алуга һәм өстәмә белем алуга мотивлаштыруда иң яхшы тәҗрибәләр күрсәтелә; инновацион медицина технологияләрен, профилактика, диагностика һәм дәвалау методларын гамәлгә кертүгә, сәламәтлек саклау системасында күрсәтелә торган хезмәтләр спектрын арттыруга юнәлдерелгән өстәмә чаралар эшләнә; транспорт инфраструктурасын үзгәртеп коруда, торак төзелеше һәм торак-коммуналь хуҗалыгын модернизацияләүдә башкарма хакимият органнарының ресурслары һәм эчке резервлары бәяләнә; бизнес алып баруның уңышлы мисаллары тәкъдим ителә.

Мәгълүмати ресурсның көн тәртибен федераль, төбәк һәм муниципаль идарә органнары, шулай ук муниципаль берәмлекләрнең учреждениеләре, оешмалары һәм предприятиеләре формалаштыра. Актуаль материаллар электрон почта адресы буенча кабул ителә: post@okolitsa-info.ru, дип хәбәр итә «Новости России» мәгълүмати агентлыгы.

Шулай ук укыгыз

Барлык яңалыклар