Россия Кулланучылар хокукларын яклау һәм кеше иминлеге өлкәләрендә күзәтчелек федераль хезмәте инвалидлар өчен кайнар линия оештырды

Казанлылар махсус телефон аша 8 майга кадәр мөрәҗәгать итә ала.

(Казан шәһәре KZN.RU, 3-нче май). Казанда инвалидлар өчен, яшәү урыны буенча гамәли ярдәм күрсәтеп,кулланучылар хокукларын яклау буенча кайнар линия эшли башлады. Сорауларга ТР буенча Россия Кулланучылар хокукларын яклау һәм кеше иминлеге өлкәләрендә күзәтчелек федераль хезмәте белгечләре җавап бирә.

Проект 5 майда билгеләп үтелә торган Халыкара Инвалидлар хокуклары өчен көрәш көне уңаеннан оештырыла. Татарстанлылар, шул исәптән казанлылар, 8-917-224-8794 телефоны буенча мөрәҗәгать итә алалар.

Кайнар линия 2 майдан 8 майга кадәр 10.00 сәгатьтән 16.00 сәгатькә кадәр (12.00 сәгатьтән 12.45 сәгатькә кадәр – төшке аш) эшли. Шалтыратулар эш көннәрендә кабул ителә, ә гамәли ярдәм инвалидлыкны раслаучы документлар булган очракта күрсәтелә, дип хәбәр иттеләр учреждениедә.

Шулай ук укыгыз

Барлык яңалыклар