Кулланучылар хокукларын яклау һәм кеше иминлеге өлкәсендә күзәтчелек федераль хезмәте: Татарстанда коронавирус инфекциясе белән авыручылар саны кими

Бер тәүлек эчендә республикада СОVID-19 белән авыруның 236 яңа очрагы ачыкланган.

Фото: Денис Гордийко

(Казан шәһәре KZN.RU, 3-нче декабрь, Алинә Бережная). Татарстанда узган атнада тагын 5,5%-ка инфекция белән авыручылар саны кимү күзәтелә. Тәүлек эчендә республикада 236 яңа очрак теркәлгән, ә пандемия башланганнан бирле СOVID-19 38 мең 760 тапкыр ачыкланган. Күзәтү астында 13 мең 560 кеше кала. Бу хакта бүген «Татар-информ» мәгълүмат агентлыгында узган матбугат конференциясендә ТР буенча Кулланучылар хокукларын яклау һәм кеше иминлеге өлкәсендә күзәтчелек федераль хезмәте идарәсе җитәкчесе урынбасары Любовь Авдонина белдерде.

Республикада коронавирус белән авыручылар саны кимү белән беррәттән ОРВИ һәм грипп белән авыручылар саны арта. Шулай итеп, соңгы диагноз 29 кешегә куелган, шуларның 14-е соңгы атнада ачыкланган. «Вирус йөри, һәм без аның таралуын көтүне дәвам итәбез. Гриппка каршы вакцинацияләнергә кирәк, препаратлар җитәрлек күләмдә бар», – дип хәбәр итте Любовь Авдонина, гриппка каршы прививка кампаниясе акрын темплар белән бара – планлаштырылган 2 млн 335 мең 191 кешедән 685 мең 144 татарстанлы гына вакцинация узган.

Коронавирустан вакцинацияләнүчеләр саны арта. Мәсәлән, 80% вакцинацияләү планлаштырылган өлкән яшьтәге халыкның 67%-ы прививка ясаткан. Гомумән алганда, 2 млн 53 мең 827 кеше вакцинацияләнгән, үсеш тәүлегенә 6135 кеше тәшкил иткән. Шулардан 1 млн 591 мең 425 кеше икенче доза вакцина алган. Әмма, Татарстан Республикасы сәламәтлек саклау министры урынбасары – Татарстан Республикасы Сәламәтлек саклау министрлыгының Казан буенча идарәсе башлыгы Владимир Жаворонков сүзләренчә, ревакцияләнгәннәр саны мактанырлык түгел. «78 мең 908 кеше генә кабат вакцинация узган. Бу сан шатланырлык түгел. Исегезгә төшерәм, кабат вакцинация ярты елга бер тапкыр үткәрелергә тиеш», – дип ассызыклады Владимир Жаворонков.

Татарстанда 175 вакцинация пункты эшли, шул исәптән сәүдә үзәкләрендә, мәдәният учреждениеләрендә, кредит оешмаларында һәм Казанның башка урыннарында. Адреслары һәм эш режимнары KZN.RU порталына урнаштырылган. Һәр пунктта теге яки бу вакцинаның булу-булмавы турында белешмәне телеграм-бот аша белергә була.

Шулай ук Татарстанда сәүдә һәм җәмәгать туклануы предприятиеләрен ковидка каршы чаралар үтәлешенә тикшерү дәвам итә. Гомумән алганда, ноябрьдә 1287 тикшерү үткәрелгән. Любовь Авдонина сүзләренчә, хокук бозулар һәр бишенче объектта – 263 предприятиедә ачыкланган. Чагыштыру өчен, октябрьдә мондый объектлар 17% булган.

Шулай ук предприятиеләрне хезмәткәрләрне мәҗбүри вакцинацияләү турындагы кагыйдәләрне үтәүгә тикшерү дә гамәлгә ашырыла. 277 предприятие тикшерелгән, 27 тәртип бозу ачыкланган. «Бу предприятиеләрдә хезмәткәрләрнең 80%-ын вакцинацияләү таләбе үтәлмәгән, яки хезмәткәрләрнең бөтенләй прививкалары булмаган», – дип ассызыклады Любовь Авдонина. Ул искәртеп узганча, Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең ТР буенча идарәсе карары нигезендә, вакцинаның беренче компонентын алмаган хезмәткәрләр 9-нчы ноябрьдән эштән читләштерелергә тиеш, яңа коронавирус инфекциясенә каршы вакцинация курсын төгәлләмәүчеләр – 7-нче декабрьдән.

Шулай ук укыгыз

Барлык яңалыклар