Россия кулланучылар күзәтчелеге: Татарстанда грипп һәм ОРВИ белән авыручылар саны арту дәвам итә

Күбрәк мәктәп укучылары һәм өлкәннәр авырый.

Фото: Марат Мөгыйнов

(Казан шәһәре KZN.RU, 3 нче февраль). Татарстанда грипп һәм ОРВИ белән авыручылар саны арту дәвам итә. Күбрәк укучылар һәм өлкәннәр авырый. Республика буенча грипп вируслары йөри, аларның өлеше 91,2% тәшкил итә.

Гриппка каршы вакцинация инде тәмамланды. Прививканы 1,8 миллионнан артык кеше ясаган – республика халкының 49,8% ы.

ТР буенча Россия кулланучылар күзәтчелеге идарәсе грипп һәм ОРВИ профилактикасы чараларын искә төшерә:

массакүләм чараларда, урамнарда яки җәмәгать транспортында булганнан соң кулларны сабын белән юыгыз;

йөткергәндә, төчкергәндә авызны һәм борынны салфетка яки яулык белән каплагыз;

С витамины булган ризыклар ашагыз;

кешеләр җыелган урыннарда битлек кулланыгыз;

грипп һәм ОРВИ симптомнары булган кешеләр белән тыгыз элемтәдә тормагыз;

биналарны чистарту һәм җилләтү чараларын ешрак уздырыгыз;

авыру симптомнары булганда өйдә калыгыз һәм табибка мөрәҗәгать итегез.

Авыру билгеләре булган балаларны мәктәпләргә һәм балалар бакчаларына җибәрергә ярамый, шулай ук чикләү чаралары кертелгән мәктәп балаларын өстәмә белем бирү оешмаларына җибәрмәгез.

Төчкерүче һәм йөткерүче авыру белән янәшә булган һәр кеше грипп йоктыру куркынычы астында. Саклык битлеге вирустан сакланырга ярдәм итәчәк, тик аны дөрес кулланганда һәм башка профилактика чаралары белән берлектә генә нәтиҗәсе булачак, диелә ведомство сайтында.

Шулай ук укыгыз

Барлык яңалыклар