Татарстан Кулланучылар хокукларын яклау һәм кеше иминлеге өлкәсендә күзәтчелек федераль хезмәте Төркия һәм Танзания белән авиаэлемтәләрне гамәлдән чыгару мәсьәләләре буенча кайнар линия ачты

Хәзер ялда булучылар да, бу илләргә барырга җыенучылар да консультация ала алачак.

Фото: Казан шәһәре, KZN.RU

(Казан шәһәре KZN.RU, 14-нче апрель). Татарстан Республикасы буенча Кулланучылар хокукларын яклау һәм кеше иминлеге өлкәсендә күзәтчелек федераль хезмәте идарәсе Төркия һәм Танзаниягә рейсларны гамәлдән чыгару буенча кайнар линия эшләтеп җибәрде. Республика ведомствосы хезмәткәрләре Төркия һәм Танзаниядә калган туристлар һәм бу илләргә барырга планлаштыручылар сорауларына җавап бирәчәк.

Шалтыратулар 23-нче апрельгә кадәр түбәндәге телефон буенча кабул ителәчәк: +7(917)224-87-94. Шулай ук әлеге мәсьәлә буенча консультация үзәгенә түбәндәге телефон аша мөрәҗәгать итәргә мөмкин: +7(843)221-90-16. Шалтыратулар 10.00 сәгатьтән 16.00 сәгатькә кадәр төшке ашка тәнәфес белән 12.00 сәгатьтән 12.45 сәгатькә кадәр кабул ителә.

Моннан тыш, Татарстан Республикасы буенча Кулланучылар хокукларын яклау һәм кеше иминлеге өлкәсендә күзәтчелек федераль хезмәте идарәсендә хәзерге вакытта бу илләрдәге барлык Татарстан туристлары тур тәмамланганнан соң әйләнеп кайта алачак, дип билгеләп үттеләр. 1-нче июньгә кадәр билет алган татарстанлылар туроператорлардан альтернатив вариантлар таләп итә ала. Ә 1-нче июньнән соң тур сатып алынган кешеләргә Ростуризм сайтындагы үзгәрешләрне күзәтеп торырга тәкъдим ителде.

Исегезгә төшерәбез, Россия Төркиягә очышларны 15-нче апрельдән 1-нче июньгә кадәр япты. Ике ил арасында даими һәм чартерлы һава юллары элемтәсе туктатылды. Шушы ук чорда Танзания белән авиаэлемтә дә туктатылачак.

Шулай ук укыгыз

Барлык яңалыклар