Россия кулланучылар күзәтчелеге: ел башыннан Татарстанда туберкулез белән авыруның 799 очрагы теркәлгән

Россия кулланучылар күзәтчелеге: ел башыннан Татарстанда туберкулез белән авыруның 799 очрагы теркәлгән

<p> </p> <div class="detail-picture"> <img src="https://kzn.ru/upload/iblock/35f/MMB_7395-870.jpg"> <p class="detail-picture__caption"> Фото:Марат Мөгыйнов </p> </div> (Казан шәһәре KZN.RU, 25 нче ноябрь). 2022 елда Татарстанда 799 яңа туберкулез очрагы теркәлгән, бу узган ел күрсәткечләреннән 7% ка артыграк. Авыручылар саныннан 302 кеше микобактерияне әйләнә-тирә мохиткә тарата, бу 2021 елның шул ук күрсәткеченнән 6,2% ка түбән. <p> </p> <p> Авыру балалар саны 17,4% ка арткан: 10 ай эчендә 27 балигъ булмаган бала зарарланган. Балалар һәм яшүсмерләр авыруының сәбәбе – алар янәшәсендәге һәм инфекция чыганагы булган өлкәннәрнең вакытында тикшерү үтмәүләре. </p> <p> Республикада барлыгы 1581 туберкулез белән авыручы исәптә тора, шуларның 32,8% ы микобактерияләр тарата. Алар белән 8 меңнән артык кеше элемтәдә тора, шуларның 9 ы авырый башлады. Моның сәбәбе – вакытында тикшерү узмау һәм дарулар кабул итү режимын бозу, дип хәбәр итә Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең ТР идарәсе матбугат хезмәте. </p> <p> Флюорография – туберкулезны һәм сулыш органнарының башка авыруларын иртә ачыклауның иң гади, үтемле һәм нәтиҗәле ысулы, дип искәртәләр ведомствода. Тикшерүне ким дигәндә 2 елга бер тапкыр үткәрергә кирәк. </p>

2022-11-25T10:52:02+0300