Россия Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең ТР буенча идарәсе: авиарейс гамәлдән чыгарылган яки тоткарланган очракта пассажирлар билет өчен түләнгән акчаны кире кайтара ала

Ведомство хезмәткәрләре Россиянең көньягындагы аэропортларның вакытлыча эшләвен туктатып торуга бәйле рәвештә аңлатмалар бирәчәк.

Фото: Денис Гордийко

(Казан шәһәре KZN.RU, 3 нче март). Татарстан халкы Россия көньягында аэропортларның эшен вакытлыча туктатып тору сәбәпле, Россия Кулланучылар күзәтчелегенең Татарстан Республикасы буенча идарәсенә аңлатмалар сорап мөрәҗәгать итә ала.

Ведомствоның матбугат хезмәте хәбәр иткәнчә, һава юлы аша пассажирлар ташу кагыйдәләре буенча рейс гамәлдән чыгарылган яки тоткарланган, пассажирлар ташу маршруты үзгәргән яки рейс җәдвәл буенча башкарылмаган очракта, пассажир юл өчен түләнгән сумманы кире кайтару хокукына ия.

Форс-мажор шартларны, ә нәкъ менә Россиянең көньягындагы кайбер аэропортларның эше 24 нче февральдән туктатылып торуын, шулай ук авиакомпанияләр очышларны башкара алмаска мөмкинлеген исәпкә алып, гамәлдән чыгарылган рейс пассажирлары билет өчен акчаны кире кайтара яки башка датаны сайлый ала. Моның өчен авиаташучыга яки билетлар сатып алынган оешмаларга мөрәҗәгать итәргә һәм тиешле гариза калдырырга кирәк.

Пассажир ташучыларга гаризалар язганда консультация һәм ярдәм сорап кулланучылар өчен консультация үзәгенең телефоннарына +7(843)221-90-16 (эш көннәрендә 9:00 дән 17:00 гә кадәр, тәнәфес 12:00 дән 13:00 гә кадәр) телефоны буенча мөрәҗәгать итәргә мөмкин.

Шулай ук шалтыратулар Россия Кулланучылар күзәтчелегенең ТР буенча идарәсендә +7(843)238-35-09 (дүшәмбе – җомга көннәрендә 10:00 дән 16:00 гә кадәр, җомга көнне 10:00 дән 15:45 кә кадәр, тәнәфес 12:00 дән 12:45 кә кадәр) телефоны буенча кабул ителә.

Шулай ук укыгыз

Барлык яңалыклар