ТР Россия кулланучылар күзәтчелеге: 2022 елда республикада хайваннар арасында котыру авыруын йоктыру очраклары кимеде

Авыру мәчеләрдә, этләрдә, ләтчә һәм сусарда табылды.

Фото: Денис Гордийко

(Казан шәһәре KZN.RU, 22 нче февраль). 2022 елда Татарстанда 6 муниципаль берәмлек территориясендә хайваннар арасында котыру авыруының 7 очрагы теркәлгән, бу узган ел белән чагыштырганда 15 кә кимрәк.

Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең ТР буенча идарәсе матбугат хезмәте хәбәр иткәнчә, 3 очрак – мәчеләр арасында, 2 се этләр арасында теркәлгән. Кыргый хайваннар арасында, ләтчә һәм сусарда, тагын берәр очрак теркәлгән.

Узган ел нәтиҗәләре буенча татарстанлылар хайваннар зыян китергән очраклар белән 6% ка азрак мөрәҗәгать иткән. Әйтик, республиканың 9 мең 606 кешесенә медицина ярдәме кирәк булган.

Исегезгә төшерәбез, Казан Башкарма комитетының Торак-коммуналь хуҗалык комитетының күзәтүчесез этләрне тоту буенча кайнар линиясе эшли. Тотылган барлык хайваннарга да төрле авырулардан прививка ясыйлар, дегельминтизация һәм стерилизация үткәрәләр, ә аннары аларны элеккеге яшәү урынына җибәрәләр. Сукбай этләр турында +7(843)222-04-44 телефоны буенча хәбәр итәргә мөмкин.

Шулай ук күзәтүчесез хайваннар турында хәбәрләр «Ачык Казан» һәм «Халык контроле» системалары аша кабул ителә.

Шулай ук укыгыз

Барлык яңалыклар