Кулланучылар хокукларын яклау һәм кеше иминлеге өлкәсендә күзәтчелек федераль хезмәте казанлыларга балалар товарларының һәм мәктәп кирәк-яракларының сыйфаты мәсьәләләре буенча консультация бирәчәк

Кайнар линия 27-нче августка кадәр эшләячәк.

Фото: Марат Мугинов

(Казан шәһәре KZN.RU, 17-нче август). Татарстанда яңа уку елы алдыннан балалар товарларының һәм мәктәп кирәк-яракларының сыйфаты һәм куркынычсызлыгы мәсьәләләре буенча кайнар линия эшли башлады. Шәһәрлеләрнең сорауларына Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең ТР буенча идарәсе хезмәткәрләре җавап бирәчәк.

Белгечләр шәһәр халкына балалар киемнәре, аяк киеме, уенчыклар, мәктәп формасы, канцелярия товарлары, балалар туклануы сыйфаты, шулай ук әлеге товарларга гигиена таләпләренең нинди нормативлары тәкъдим ителүе турында консультация бирәчәк.

Кулланучылар хокукларын яклау һәм кеше иминлеге өлкәсендә федераль хезмәтнең тәүлек буе эшли торган номерына шалтыратып була: +7(800)555-49-43.

Шулай ук шалтыратулар кулланучылар өчен консультация үзәгенең кайнар линиясенә +7(843)221-90-16 телефоны буенча көн саен 9:00 сәгатьтән 17:00 сәгатькә кадәр ял һәм бәйрәм көннәреннән тыш (тәнәфес 12:00 сәгатьтән 13:00 сәгатькә кадәр) кабул ителә.

Моннан тыш, Россия Кулланучылар хокукларын яклау һәм кеше иминлеге өлкәләрендә күзәтчелек федераль хезмәтенең ТР буенча идарәсе белгечләренә сорауларны дүшәмбедән пәнҗешәмбегә кадәр 10:00 сәгатьтән 17:00 сәгатькә кадәр һәм җомга көнне 10:00 сәгатьтән 15:45 сәгатькә кадәр +7(843)273-15-83 телефоны аша бирергә мөмкин (тәнәфес 12:00 сәгатьтән 12:45 сәгатькә кадәр).

Кайнар линия эшен 27-нче августка кадәр дәвам итәчәк, дип хәбәр итә ведомство.

Шулай ук укыгыз

Барлык яңалыклар