Коронавирус белән авыручыларның туганнары волонтерларга ярдәм сорап мөрәҗәгать итә ала

Өйдә карантинада булган «контактлы» затлардан гаризалар кайнар линия телефоны буенча кабул ителә.

(Казан шәһәре KZN.RU, 13-нче апрель). Туганнары коронавирус белән авырып киткән казанлылар ярдәм сорап волонтерларга мөрәҗәгать итә ала. Карантинда өйдә торучы «контактлы» затлардан гаризалар Гомумроссия халык фронтының бердәм штабында кайнар линия телефоны буенча кабул ителә. Шуннан соң волонтерлар мөрәҗәгать итүчеләргә кирәкле продуктлар һәм дарулар китерә.

Гаризалар: +7(800)200-34-11 телефоны буенча кабул ителә, аннары Россия Федерациясе субъектлары буенча бүленә. Татарстанда федераль кайнар линиягә килгән гаризалар Гомумроссия халык фронтының яшьләр канаты тарафыннан «Волонтер-табиблар» хәрәкәтенең төбәк бүлеге белән берлектә эшкәртелә. Татарстанда волонтерлар эшчәнлеген үзиреклелек мәгълүмати-ресурс үзәге координацияли.

Моннан тыш, карантинда утыручы казанлылар ярдәм сорап +7(843)272-16-73 номеры буенча мөрәҗәгать итә ала. Үзиреклеләр гаризаны кабул итәчәк һәм күрсәтелгән адрес буенча кирәкле продуктлар һәм даруларны китерәчәк.

Шулай ук укыгыз

Барлык яңалыклар