Казан укучыларының әти-әниләре рус теленнән БДИ тапшырачак

Казан укучыларының әти-әниләре рус теленнән БДИ тапшырачак

<p> <img width="870" src="https://www.kzn.ru/upload/iblock/3f2/DEN_1631.jpg" height="653"><br> </p> <p> (Казан шәһәре KZN.RU, 17-нче февраль). Казан укучыларының әти-әниләре рус теленнән БДИ тапшырачак. Алар 18-нче февральдә «Әти-әниләр белән бергә БДИ тапшыруның бердәм көне» Бөтенроссия акциясенә кушылачак. </p> <p> Акциядә барлык теләүчеләр катнаша ала - беренче чиратта булачак чыгарылыш сыйныф укучыларының әти-әниләре, җәмәгать эшлеклеләре, мәдәният һәм сәнгать эшлеклеләре, журналистлар. Бу көнне ата-аналар белән бергә Казан Мәгариф идарәсе җитәкчесе Ирек Ризванов та рус телен белүдә үз көчләрен сынаячак. </p> <p> Чара барышында ата-аналар БДИда теркәлү ни рәвешле узуын һәм аудиторияләрдә утырту ничек оештырылуын, БДИда катнашучыларның эш урыннары нинди булуын, имтихан үткәрү пунктында контроль-үлчәү материаллары ничек бастырылуын һәм сканерлануын белә ала. </p> <p> Тест бер сәгатькә исәпләнгән. Акциядә катнашучыларның эшләрен тикшерү өчен рус теле һәм әдәбияты укытучылары, шул исәптән фән комиссиясе экспертлары арасына керүчеләр дә җәлеп ителәчәк. </p> <p> Казанда акция Киров районының Гладилов ур., 24-нче йорт адресы буенча урнашкан 81-нче номерлы мәктәбендә 10.00 сәгатьтә узачак. «Ата-аналар белән бергә БДИ тапшыруның бердәм көне»нә кушылу өчен, казанлыларга үз районының мәгариф бүлекләренә мөрәҗәгать итәргә кирәк. </p> <p> Быел бөтенроссия акциясе дүртенче тапкыр уза. Беренче тапкыр ул 2017 елның февралендә узды. Ул вакытта аңа Россиянең 50 төбәгеннән өч меңнән артык ата-ана кушылган. </p>

2020-02-17T13:25:00+0300