«Рифкать Якупов. КЫРЫМ: шәһәрлеләрне вернисажга чакыралар

«Рифкать Якупов. КЫРЫМ: шәһәрлеләрне вернисажга чакыралар

<p> Кырымның Россия белән яңадан кушылу көне уңаеннан 18 мартта заманча сәнгать галереясендә «Рифкать Якупов. КЫРЫМ» күргәзмәсе ачылачак. Анда кырым татарларын аларның тарихи ватаннарына кайтаруга багышланган 25 эш тәкъдим ителәчәк. </p> <p> Татарстанның атказанган сәнгать эшлеклесе Рифкать Якупов Татарстан профессиональ фоторәсем мәктәбен үстерүгә зур өлеш керткән. Күп еллар дәвамында этнографик экспедицияләрдә фотограф Казан, Әстерхан, Кырым, Себер, Польша һәм мишәр татарларының төрле төркемнәрен төшергән. </p> <p> 1992 – 1998 елларда Рифкать Якупов Кырымда яшәгән һәм эшләгән. БМО миссиясе заказы буенча, 1995 елда фотограф элек депортацияләнгән халыкларны – кырым татарларын, грекларны, болгарларны, немецларны, әрмәннәрне кире кайтару турында репортажлар төшергән. </p> <p> Уникаль фотографияләрне шәһәр халкы ТР ГМИИ өченче катындагы лекториядә (Карл Маркс ур., 57) бушлай күрә алачак, дип хәбәр иттеләр оешмада. </p> <p> Рифкать Якупов – Россиядә (Мәскәү, Уфа, Симферополь) һәм якын һәм ерак чит илләрдә күп кенә фотокүргәзмәләр катнашучысы. </p>

2025-03-14T17:47:00+0300