COVID-19 буенча тестлар нәтиҗәләре белән дәүләт хезмәтләре порталында танышырга мөмкин

Алар алганнан соң 60 минут эчендә йөкләнә.

Фото: Марат Мугинов

(Казан шәһәре KZN.RU, 26-нчы ноябрь). Дәүләт хезмәтләренең бердәм порталында яңа сервис эшли башлады - хәзер COVID-19 буенча тестлар нәтиҗәләре кулланучының шәхси кабинетына җибәреләчәк.

Дәүләт хезмәтләреннән коронавирус инфекциясенә тикшерү нәтиҗәләренең әзерлеге турында хәбәрнамәне Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең мәгълүмат системасы белән интеграцияләнгән лабораторияләрдә тестлар тапшырган портал кулланучылары ала алачак. Нәтиҗәләр QR-код рәвешендә «Дәүләт хезмәтләре Стопкоронавирус» мобиль кушымтасына йөкләнәчәк. Порталга COVID-19 буенча тестлар нәтиҗәләре алар әзер булганнан соң 60 минут дәвамында йөкләнә.

Бүген Россиядә вирус булуга тикшеренүләр нәтиҗәләрен йөкләүне Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең мәгълүмат платформасы белән интеграцияләнгән, анализлар алучы 450-дән артык оешма гамәлгә ашыра. Инде 130 меңнән артык белешмә урнаштырылган, ә порталга тәүлегенә 15 мең тирәсе тикшеренү килә.

Якын арада яңа лабораторияләрне тоташтыру һәм цифрлы рәвештәта пшырыла торган тикшеренүләрнең көндәлек санын 40 меңгә кадәр арттыру планлаштырыла. Калган лабораторияләрне һәм медицина үзәкләрен проектка 2021 елның беренче кварталы ахырына кадәр тоташтыру планлаштырыла, дип хәбәр ителә ТР Министрлар кабинеты сайтында.

Шулай ук укыгыз

Барлык яңалыклар