Май бәйрәмнәрендә КФҮ бүлекләренең эш режимы үзгәрә

Бу көннәрдә берничә хезмәт кенә күрсәтеләчәк.

Фото: Марат Мөгыйнов

Казан шәһәре KZN.RU, 6 нчы май). 7 нче, 8 нче, 9 нчы, 10 нчы май көннәрендә Казанда «Минем документлар» офислары гражданнарны 10:00 дән 14:00 гә кадәр кабул итәчәк. Бу көннәрдә шәһәр халкы Җиңү проспекты, 214, Кулагин урамы, 1 һәм Коләхмәтов урамы, 25 адресы буенча урнашкан күп функцияле үзәкләргә мөрәҗәгать итә алачак.

Май бәйрәмнәрендә халыкка 260 хезмәтнең берничәсе генә күрсәтеләчәк: казанлылар 8-17 яшьлек балалар өчен түләү рәсмиләштерә, СНИЛС алуга заказ бирә, ЕСИА хисап язмасын раслый, «Үлемсез полк» йөрешендә катнашу өчен фото чыгарта, Ветераннар турында мәгълүматларны «Җиңү йөзләре» бөтенхалык тарихи депозитариена тапшыра алачак, дип хәбәр ителә «Минем документлар» сайтында.

Шулай ук укыгыз

Барлык яңалыклар