Казан милли ярыммарафонында катнашу өчен теркәлү 16 сентябрьгә кадәр дәвам итәчәк

Казан милли ярыммарафонында катнашу өчен теркәлү 16 сентябрьгә кадәр дәвам итәчәк

<p> 21-22 сентябрьдә ТР башкаласында Казан милли ярыммарафоны узачак. Катнашучылар өчен 3, 10 һәм 21,1 км дистанцияләр әзерләнәчәк. Программага балалар йөгереше дә кертелгән. </p> <p> Старт Миллениум күпереннән планлаштырылган, финишта спортчыларны өчпочмаклы татар чәе көтә, дип хәбәр итә Татарстан спорт министрлыгы матбугат хезмәте. </p> <p> Балалар йөгереше өч яшьтән алып 10 яшькә кадәрге балалар өчен, 11 яшьтән алып 3 км, 16 яшьтән – 10 км, 18 яшьтән – 21,1 км. Катнашу өчен медицина белешмәсе кирәк булачак. Теркәлү <a target="_blank" href="https://timerman.org/event/KazanNationalHalfMarathon2024">сылтама</a> буенча 16 сентябрьгә кадәр дәвам итәчәк. </p> <p> Казан милли ярыммарафоны «Спорт – тормыш нормасы» федераль проекты «Демография» милли проекты максатларына туры китереп үткәрелә. </p> <p> Узган ел әлеге вакыйга дөньяның җиде иленнән һәм Россиянең 66 төбәгеннән 5,5 меңнән артык спортчыны һәм 2 меңнән артык җанатарны <a target="_blank" href="https://kzn.ru/meriya/press-tsentr/novosti/bolee-5-5-tysyachi-chelovek-prinyali-uchastie-v-kazanskom-polumarafone/?lang=ta">берләштерде</a>. Ир-атлар арасында ярыммарафон дистанциясендә иң тиз йөгерүче Сергей Сергеев (01:08:36) булып чыкты. Хатын-кызлар арасында барысыннан да тизрәк Марина Смирнова, аның финисш вакыты – 01:18:53. </p>

2024-09-04T15:55:00+0300