Торак-коммуналь хуҗалыгы өлкәсендә тарифларны ачыклау һәм милек бүлү мәсьәләләре: Казанда хокукый ярдәм көне уздырыла

Торак-коммуналь хуҗалыгы өлкәсендә тарифларны ачыклау һәм милек бүлү мәсьәләләре: Казанда хокукый ярдәм көне уздырыла

<p> Татарстан башкаласында 15 октябрьдә хокукый ярдәм көне уздырыла. Өлкән яшьтәге гражданнарга милек һәм хокук мәсьәләләре, торак-коммуналь хуҗалыгы өлкәсендә тарифларны ачыклау буенча бушлай юридик консультацияләр биреләчәк. </p> <p> Өлкән буынга Татарстан Республикасы Хезмәт министрлыгы вәкилләре тарафыннан милекне дөрес итеп бүлү һәм торак-коммуналь хуҗалыгы өлкәсендә тарифларны ачыклау мәсьәләләре хакында төгәл мәгълүмат җиткереләчәк. Шулай ук Казан халкына хезмәт һәм пенсия, мәгариф һәм сәламәтлек саклау өлкәләрендә хокук бозу очраклары булганда нишләргә кирәк икәнен аңлатачаклар. </p> <p> Хокукый ярдәм көне шәһәрнең Волгоград урамы, 32 йорт адресы буенча урнашкан Авиатөзелеш һәм Яңа Савин районнары администрациясендә 15:00 сәгатьтән 17:00 сәгатькә кадәр оештырыла. </p> <p> +7(843)279-25-02, +7(843)279-25-12, +7(843)279-25-99 телефон номерларына шалтыратып, алдан язылырга кирәк. </p> <p> Чараны «Россия Пенсионерлар берлеге» гомумроссия иҗтимагый оешмасының төбәк бүлеге белән бергә Татарстан Республикасында Кеше хокуклары буенча вәкаләтле вәкил үткәрә. </p>

2025-10-07T11:16:01+0300