В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
14.09.2023, 10:56
ТР Рәисе Казанда БРИКС саммитын уздыру турында: «Безнең өчен бу зур дәрәҗә генә түгел, җитди җаваплылык та»
Рөстәм Миңнеханов чарага әзерлек эшләрен координацияләргә кушты
Фото: ТР Рәисе матбугат хезмәте
(Казан шәһәре KZN.RU, 14 нче сентябрь, Юлия Летникова). 2024 елда Казан БРИКС дәүләт башлыклары саммитын кабул итәчәк – бу республика өчен зур дәрәҗә һәм җаваплылык, дип белдерде Татарстан Республикасы Дәүләт Советына юллама барышында Рөстәм Миңнеханов. Төбәк башлыгы чарага әзерлек эшен координацияләргә кушты.
Рөстәм Миңнеханов искәрткәнчә, 2024 елда Казанда БРИКС һәм БРИКС-плюс дәүләт башлыклары саммитын уздыру турындагы указга Россия Президенты Владимир Путин кул куйган. Чара 20 дән артык ил лидерын берләштерәчәк дип планлаштырыла.
«Безнең өчен бу зур дәрәҗә генә түгел, җитди җаваплылык та, – диде ТР Рәисе. - Саммит кысаларында күп санлы чаралар, шул исәптән мультиспорт «БРИКС уеннары» узачак.
«Безне зур эш көтә, шул исәптән куркынычсызлыкны тәэмин итү, кунакчыллык объектларын әзерләү буенча да. Республика оештыру комитетына федераль коллегалары белән берлектә аның координациясен тәэмин итәргә кирәк», – дип йөкләде ТР Рәисе.
ТР Рәисе бу минутларда С.Сәйдәшев исемендәге Дәүләт Зур концертлар залында республика Дәүләт Советына юллама белән чыгыш ясый, аны сылтама буенча карарга мөмкин.
Шулай ук укыгыз
-
29.07.2025, 17:18 -
29.07.2025, 15:24 -
29.07.2025, 15:05 -
29.07.2025, 13:42