ТР рәисе һәм Казан мэры Татарстан халык язучысы Туфан Миңнуллинга мемориаль такта ачуда катнашты

Аны драматург яшәгән Толстой урамы буенча 16А йорт фасадында урнаштырганнар

Бүген Казанда танылган драматург, РСФСРның атказанган сәнгать эшлеклесе, Татарстанның халык язучысы Туфан Миңнуллинга мемориаль такта ачылды. Тантанада Татарстан рәисе Рөстәм Миңнеханов һәм Казан мэры Илсур Метшин катнашты.

Мемориаль тактаны язучы яшәгән Толстой урамындагы 16А йорт фасадында урнаштырганнар, дип хәбәр итә ТР рәисенең матбугат хезмәте.

Рөстәм Миңнеханов халыкны Республика көне һәм Казан шәһәре көне белән котлады. Ул ассызыклаганча, Туфан Миңнуллин татар әдәбияты һәм сәнгате үсешенә зур өлеш керткән. «Һәркемгә ул нәрсәсе беләндер истә калды. Мине һәрвакыт аның бер җөмләдә бик күп фикерләр сыйдыру осталыгы сокланыдра иде. Бүтән беркем дә алай итә белми иде», – диде ТР рәисе.

Мемориаль такта урнаштыру инициаторы буларак Татарстан Республикасы Язучылар берлеге булды. Чара Туфан Миңнуллинның тууына 90 ел тулу уңаеннан багышланган. Мемориаль такта авторы – скульптор, «Россия рәссамнар берлеге» бөтенроссия иҗтимагый оешмасының төбәк бүлеге «Татарстан рәссамнары берлеге» әгъзасы Рим Акчурин.

Мемориаль тактада ике телдә – татарча һәм русча язылган: «Бу йортта танылган драматург, язучы, публицист, җәмәгать эшлеклесе Туфан Миңнуллин яшәгән».