ТР рәисе һәм Казан мэры СИБУР бизнесына эксперт ярдәме үзәгендә булып кайттылар

Реконструкцияләнгән бина эшлекле кварталның беренче өлеше булып тора

Фото: ТР рәисе матбугат хезмәте

ТР рәисе Рөстәм Миңнехановка һәм Казан мэры Илсур Метшинга СИБУР бизнесына эксперт ярдәме үзәген тәкъдим иттеләр. Ул «Казаноргсинтез» территориясе янындагы реконструкцияләнгән һәм яңартылган бинада эшли. Объект 700 гә якын хезмәткәрне сыйдыра.

Үзәк СИБУР эшлекле кварталының беренче объекты булып тора. Объект бер ел эчендә тулысынча реконструкцияләнгән. Мәйданчыкта хезмәткәрләрнең уртак эше өчен ачык күпфункцияле зоналар барлыкка килгән.

Бина 8 гектар мәйданлы эшлекле кварталның бер өлеше булачак. Күптән түгел Илсур Метшинга әлеге территорияне яңарту һәм төзекләндерү проектын тәкъдим иткәннәр иде. Биредә коворкинг, опенспейс зоналары һәм амфитеатр белән дүрт корпус урнашачак. Квартал эчендәге биналар юл-транспорт инфраструктурасы һәм җәмәгать киңлекләре белән тоташтырылачак.

Проект тулысы белән 1,3 млрд сумга төшәчәк. Проектның генераль подрядчысы – «Аркада Строй» төзелеш компаниясе, дип хәбәр итә республика рәисенең матбугат хезмәте.

Рөстәм Миңнехановка һәм Илсур Метшинга шулай ук хезмәткәрләр өчен хезмәт шартларын яхшырту буенча башкарылган эшләр, хезмәт куркынычсызлыгы программасы һ.б. турында сөйләделәр.

«Эшләрнең зур күләме үзәкләштерелгәнгә, компания компетенцияләрне берләштерүгә ирешкән. Әлеге эшнең ничек төзелгәнен белү минем өчен бик кызык иде. Биредә нинди яхшы белгечләр эшләвен күрдем. Сезгә яхшы эш телим!» – диде ТР рәисе.

Фоторепортаж

Видеорепортаж

Шулай ук укыгыз

Барлык яңалыклар