Казанда Петербург рәссамнарының эшләре тәкъдим ителәчәк

Н.Данилевский һәм Н.Ходячеваның әсәрләрен бөтен дөнья буенча музейларда һәм шәхси коллекцияләрдә табарга мөмкин.

Фото: Денис Гордийко

(Казан шәһәре KZN.RU, 25 нче ноябрь). Е.А.Боратынский музеенда «Куен дәфтәре» күргәзмәсе ачыла. Анда Петербург рәссамнары Николай Данилевский һәм Наталья Ходячеваның рәсемнәре һәм графикасы тәкъдим ителәчәк.

Бу осталарның эше сәнгатьнең заманча агымнары белән кызыксынучы кунакларны кызыксындырачак. Н.Данилевский һәм Н.Ходячеваның әсәрләрен Россия, Германия, Ирландия, Франция, АКШ, Италия, Бельгия, Канада, Бөекбритания һәм Испаниянең музейларында һәм шәхси коллекцияләрендә табарга мөмкин.

Шулай ук күргәзмәгә килүчеләр Петербург рәссамнарының һәм аларның гаиләләренең шәхси әйберләрен күрә алачак. Экспозициягә китаплар, открыткалар һәм авторларның биографиясе белән таныштыручы аклы-каралы фотосурәтләр кертелгән.

«Куен дәфтәре» күргәзмәсе 29 нчы ноябрьдә 17:00 сәгатьтә ачыла. Бу көнне аны бушлай карарга мөмкин, алдагы көннәрдә керү билетлар буенча башкарылачак, шулай ук «Пушкин картасы» буенча кереп булачак. Күргәзмә 2 нче декабрьгә кадәр дәвам итәчәк, дип хәбәр итә Татарстан Милли музее матбугат хезмәте.

Шулай ук укыгыз

Барлык яңалыклар