22 Казан рәссамы һәм музыканты эшләрен «Смена» мәдәни үзәгендәге яңа күргәзмәдә тәкъдим итәчәкләр

22 Казан рәссамы һәм музыканты эшләрен «Смена» мәдәни үзәгендәге яңа күргәзмәдә тәкъдим итәчәкләр

<p> </p> <div class="detail-picture"> <img src="https://kzn.ru/upload/iblock/174/MMB_4320_870.jpg"> <p class="detail-picture__caption"> Фото: Марат Мугинов </p> </div> <p> (Казан шәһәре KZN.RU, 10-нчы ноябрь). 13-нче ноябрьдә «Смена» заманча мәдәният үзәгендә «Күргәзмә Казанда булачак, ахрысы» дип аталган төркем күргәзмәсе ачылачак, анда 17 Казан рәссамы һәм 5 музыкант катнашачак. </p> <p> Күргәзмәнең барлык рәссамнары төрле һөнәри тәҗрибәгә ия һәм төрле медиалар белән эшли – рәсем сәнгате һәм фотографияләрдән алып саунд-арт һәм инсталляцияләргә кадәр. Алар төрле шәһәрләрдә яшәсәләр дә, һаман да Казанны якын күрәләр. </p> <p> Күргәзмәдә Зуля Алиева, Алиса Гулканян, Ибраһим, Надя Кимельяр, Ваня Лимб, Фокс Малдер, Анастасия Морозова, Аврора Родина, Зөһрә Сәлахова, Алисә Сафина, Дарья Скрипаль, Дима Смородин, Иван Урбан, Саша Шардак, ПТУ, Ellina Gennadievna, Zakary Tuktarv, Hermitart, Klotho &amp; Innau, Kow, NEJIJ201, SL катнашачак. </p> <p> Яшь авторларның эшләре «Смена» күргәзмәләр залында гына түгел, ә бөтен бина буйлап – баскыч аралыкларыннан алып китап кибете киштәсенә кадәр – урнашачак, бу тамашачыга җирле сәнгать контекстына чумарга мөмкинлек бирәчәк. </p> <p> Күргәзмә кысаларында сәнгать турында лекцияләр, рәссамнар белән аралашу һәм башка чаралар да планлаштырылган, дип хәбәр итә заманча мәдәният үзәге матбугат хезмәте. </p> <p> Күргәзмә 12:00 сәгатьтә ачылачак, ә 19:00 сәгатьтә «Смена»да концерт булачак, анда килүчеләр эксперименталь музыка ишетәчәк. </p>

2021-11-10T11:59:21+0300