Р.Гафаров: «Муниципаль паркинг – хәзерге этапта котылгысыз чара»

Казанда 1600 яңа парковка урыны барлыкка киләчәк

Казанда машиналар 485 меңгә кадәр арту белән, шәһәр урамнарында өстәмә 1600 машина урыны файдалануга тапшырылачак, муниципаль парковкаларда урыннар саны 13 мең тәшкил итәчәк. Бу хакта аппарат киңәшмәсендә шәһәр Башкарма комитетының транспорт комитеты рәисе Алексей Сидоров хәбәр итте. Казан Башкарма комитеты башлыгы Рөстәм Гафаров билгеләп үткәнчә, муниципаль паркинг – хәзерге этапта котылгысыз чара, бу юлны Россиянең барлык эре шәһәрләре уза.

«Мәскәү белән параллель рәвештә без беренчеләрдән булып ун ел элек бу проектны башладык, һәм вакыт безнең чынбарлыкта аннан башка булмаячагын күрсәтте. Бу прививка кебек. Авыр, әмма нәтиҗәдә бөтен организмны саклый торган иммунитет барлыкка килә», – диде шәһәр Башкарма комитеты җитәкчесе Рөстәм Гафаров.

Соңгы 20 елда Казанда теркәлгән автомобильләр саны 152 меңнән 485 меңгә кадәр, өч тапкырдан артыгракка арткан. Бу тоткарлыклар белән вәзгыятьнең кискенләшүенә китергән, бигрәк тә шәһәрнең үзәк өлешендә, анда тар урамнар автомобильләр агымын җиңә алмый, дип билгели спикер. Проблемага җавап итеп, 2015 елда бердәм шәһәр парковкасы киңлеген формалаштыру башланды.

Бу вакыт эчендә муниципаль парковка урыннары саны 27 участокта 1250 дән 239 участокта 11,7 меңгә кадәр арткан, ә муниципаль паркинглы участокларда уртача хәрәкәт тизлеге уртача сәгатенә 35 чакрымга кадәр җиткән. Түләүле парковкалы урамнар аша үтү вакыты 7-9 минутка кыскарган. Муниципаль парковкаларны файдалануга тапшырганчы шәһәрнең үзәк өлешенә 100 меңгә якын автомобиль кереп, шуларның 60 меңе машиналарын машина юлында көн буена тәртипсез рәвештә калдырса да, мондый күрсәткечләргә ирешелде. Ә бүгенге көндә парковка урыннарыннан көн дәвамында 110 нан артык автомобиль сөюче файдалана.

Машина кую урыннарының әйләнеше дә яхшырды. «Элек машиналар бер урында уртача сәгать ярым тора иде, ә хәзер 55 минут. Машинасын куеп калдыручы биш машина йөртүченең дүртесе 15 минутка кадәр булган «бушлай» парковкага сыеша, һәм бары берсе генә машинасын түләүле нигездә калдырып тора», – дип өстәде Алексей Сидоров.

Моннан тыш, парковкалар булу кече һәм урта бизнесны үстерү өчен уңай шартлар тудыра, клиентларны җәлеп итү мөмкинлеге һәм товарларны төяү һәм бушату өчен уңайлыклар тудыра. Муниципаль парковка булмаган урыннарга, кагыйдә буларак, килеп туктарга мөмкинлек юк.

Машина кую инфраструктурасын яхшырту буенча эш дәвам итә. Быел шәһәрнең 90 участогында 3006 яңа парковка урыны барлыкка килде. Бу урыннар инде булган автотранспортны парковкалау өчен юлның киңәйтелгән өлешендә һәм элек тәртипсез рәвештә машина парковкалаган урыннарда оештырылган. Хәзер машина йөртүчеләр кибет һәм учреждениеләргә проблемаларсыз якын килә алачак.

Оешмаларның үтенечләрен исәпкә алып, ел ахырына кадәр тагын 1600 диярлек машина кую урыны өстәү планлаштырыла. Хәзер яңа урыннарны төзекләндерү, билгеләр, тамгалар һәм паркоматлар урнаштыру өчен конкурс процедуралары бара. Нәтиҗәдә, Казанда муниципаль парковка урыннары саны 13 меңгә кадәр артачак.

Муниципаль парковкаларда парковка урыннарының бертигез йөкләнешен тәэмин итү өчен дифференциацияләнгән тариф билгеләнгән, ул сәгатенә 30, 50, 70, 100 һәм 130 сум тәшкил итә. Бүгенге көндә 15 минутка машина куеп калдыру бушлай, түләү эш көннәрендә 8:00 дән 19:00 гә кадәр, ә 19:00 дән 8:00 гә кадәр, шулай ук ял һәм бәйрәм көннәрендә машина кую бушлай.

«Хәзер тарифны җайга салу механизмы эшләнгән – кайбер зоналарда бәя төшә, икенчеләрендә – буш урыннар булмаган җирләрдә ул арта. Паркингларның тулу процессы даими рәвештә күзәтелә һәм анализлана», – дип шәрехләде Рөстәм Гафаров.

Шул ук вакытта шәһәрдә социаль объектлар янында парковка вакытын 30 минутка кадәр арттыру проекты гамәлгә ашырыла. Яңалык сәламәтлек саклау һәм мәгариф социаль объектлары янәшәсендә гомуми 431 машина урыны булган 22 участокка кагылды.

Спикер хәбәр иткәнчә, шәһәрдә шулай ук каршерингны актив үстерәләр һәм электромобиль хуҗаларына ярдәм итәләр. Каршерингтан файдаланучыларга парковка өчен түләргә кирәкми, моны компания эшли. Ә электромобиль хуҗаларына муниципаль парковкалардан бушлай файдалану хокукы бирелгән.

Шулай ук муниципаль парковкаларда номерсыз автомобильләр өчен тәгәрмәчкә блокираторлар кую дәвам итә. Шунысын да билгеләп үтәргә кирәк, мондый автомобильләр саны сизелерлек кимеде. Агымдагы ел башыннан барлыгы 38 блокиратор урнаштырылган.

Алексей Сидоров ассызыклаганча, парковка пространствосын үстерү – автомобиль бөкеләре белән көрәшүнең нәтиҗәле ысулы, һәм шәһәр мэры ярдәме белән бу мәсьәләгә аерым игътибар бирелә.

«Шәһәр урамнары буйлап тоткарлыксыз хәрәкәт итү, җәмәгать транспорты һәм җәяүлеләр өчен уңайлы шартлар тудыру шәһәр халкының һәм шәһәр кунакларының тормыш сыйфатын яхшыртуда мөһим фактор булып тора», – дип йомгаклады ул.

Фоторепортаж

Эшлекле дүшәмбе, 14.07.2025

Видеорепортаж

14.07.2025 11:11

Ел ахырына Казанда машина кую урыннарының гомуми саны 13 меңгә җитәчәк

Шулай ук укыгыз

Барлык яңалыклар

Казанда машиналар 485 меңгә кадәр арту белән, шәһәр урамнарында өстәмә 1600 машина урыны файдалануга тапшырылачак, муниципаль парковкаларда урыннар саны 13 мең тәшкил итәчәк. Бу хакта аппарат киңәшмәсендә шәһәр Башкарма комитетының транспорт комитеты рәисе Алексей Сидоров хәбәр итте. Казан Башкарма комитеты башлыгы Рөстәм Гафаров билгеләп үткәнчә, муниципаль паркинг – хәзерге этапта котылгысыз чара, бу юлны Россиянең барлык эре шәһәрләре уза. «Мәскәү белән параллель рәвештә без беренчеләрдән булып ун ел элек бу проектны башладык, һәм вакыт безнең чынбарлыкта аннан башка булмаячагын күрсәтте. Бу прививка кебек. Авыр, әмма нәтиҗәдә бөтен организмны саклый торган иммунитет барлыкка килә», – диде шәһәр Башкарма комитеты җитәкчесе Рөстәм Гафаров. Соңгы 20 елда Казанда теркәлгән автомобильләр саны 152 меңнән 485 меңгә кадәр, өч тапкырдан артыгракка арткан. Бу тоткарлыклар белән вәзгыятьнең кискенләшүенә китергән, бигрәк тә шәһәрнең үзәк өлешендә, анда тар урамнар автомобильләр агымын җиңә алмый, дип билгели спикер. Проблемага җавап итеп, 2015 елда бердәм шәһәр парковкасы киңлеген формалаштыру башланды. Бу вакыт эчендә муниципаль парковка урыннары саны 27 участокта 1250 дән 239 участокта 11,7 меңгә кадәр арткан, ә муниципаль паркинглы участокларда уртача хәрәкәт тизлеге уртача сәгатенә 35 чакрымга кадәр җиткән. Түләүле парковкалы урамнар аша үтү вакыты 7-9 минутка кыскарган. Муниципаль парковкаларны файдалануга тапшырганчы шәһәрнең үзәк өлешенә 100 меңгә якын автомобиль кереп, шуларның 60 меңе машиналарын машина юлында көн буена тәртипсез рәвештә калдырса да, мондый күрсәткечләргә ирешелде. Ә бүгенге көндә парковка урыннарыннан көн дәвамында 110 нан артык автомобиль сөюче файдалана. Машина кую урыннарының әйләнеше дә яхшырды. «Элек машиналар бер урында уртача сәгать ярым тора иде, ә хәзер 55 минут. Машинасын куеп калдыручы биш машина йөртүченең дүртесе 15 минутка кадәр булган «бушлай» парковкага сыеша, һәм бары берсе генә машинасын түләүле нигездә калдырып тора», – дип өстәде Алексей Сидоров. Моннан тыш, парковкалар булу кече һәм урта бизнесны үстерү өчен уңай шартлар тудыра, клиентларны җәлеп итү мөмкинлеге һәм товарларны төяү һәм бушату өчен уңайлыклар тудыра. Муниципаль парковка булмаган урыннарга, кагыйдә буларак, килеп туктарга мөмкинлек юк. Машина кую инфраструктурасын яхшырту буенча эш дәвам итә. Быел шәһәрнең 90 участогында 3006 яңа парковка урыны барлыкка килде. Бу урыннар инде булган автотранспортны парковкалау өчен юлның киңәйтелгән өлешендә һәм элек тәртипсез рәвештә машина парковкалаган урыннарда оештырылган. Хәзер машина йөртүчеләр кибет һәм учреждениеләргә проблемаларсыз якын килә алачак. Оешмаларның үтенечләрен исәпкә алып, ел ахырына кадәр тагын 1600 диярлек машина кую урыны өстәү планлаштырыла. Хәзер яңа урыннарны төзекләндерү, билгеләр, тамгалар һәм паркоматлар урнаштыру өчен конкурс процедуралары бара. Нәтиҗәдә, Казанда муниципаль парковка урыннары саны 13 меңгә кадәр артачак. Муниципаль парковкаларда парковка урыннарының бертигез йөкләнешен тәэмин итү өчен дифференциацияләнгән тариф билгеләнгән, ул сәгатенә 30, 50, 70, 100 һәм 130 сум тәшкил итә. Бүгенге көндә 15 минутка машина куеп калдыру бушлай, түләү эш көннәрендә 8:00 дән 19:00 гә кадәр, ә 19:00 дән 8:00 гә кадәр, шулай ук ял һәм бәйрәм көннәрендә машина кую бушлай. «Хәзер тарифны җайга салу механизмы эшләнгән – кайбер зоналарда бәя төшә, икенчеләрендә – буш урыннар булмаган җирләрдә ул арта. Паркингларның тулу процессы даими рәвештә күзәтелә һәм анализлана», – дип шәрехләде Рөстәм Гафаров. Шул ук вакытта шәһәрдә социаль объектлар янында парковка вакытын 30 минутка кадәр арттыру проекты гамәлгә ашырыла. Яңалык сәламәтлек саклау һәм мәгариф социаль объектлары янәшәсендә гомуми 431 машина урыны булган 22 участокка кагылды. Спикер хәбәр иткәнчә, шәһәрдә шулай ук каршерингны актив үстерәләр һәм электромобиль хуҗаларына ярдәм итәләр. Каршерингтан файдаланучыларга парковка өчен түләргә кирәкми, моны компания эшли. Ә электромобиль хуҗаларына муниципаль парковкалардан бушлай файдалану хокукы бирелгән. Шулай ук муниципаль парковкаларда номерсыз автомобильләр өчен тәгәрмәчкә блокираторлар кую дәвам итә. Шунысын да билгеләп үтәргә кирәк, мондый автомобильләр саны сизелерлек кимеде. Агымдагы ел башыннан барлыгы 38 блокиратор урнаштырылган. Алексей Сидоров ассызыклаганча, парковка пространствосын үстерү – автомобиль бөкеләре белән көрәшүнең нәтиҗәле ысулы, һәм шәһәр мэры ярдәме белән бу мәсьәләгә аерым игътибар бирелә. «Шәһәр урамнары буйлап тоткарлыксыз хәрәкәт итү, җәмәгать транспорты һәм җәяүлеләр өчен уңайлы шартлар тудыру шәһәр халкының һәм шәһәр кунакларының тормыш сыйфатын яхшыртуда мөһим фактор булып тора», – дип йомгаклады ул.