Биш көнлек «Эшмәкәр әлифбасы» тренингы казанлыларга үз эшләрен ачарга ярдәм итәчәк

Катнашучылар бизнес-проектның үсеш этапларын карарга, маркетинг һәм оештыру планнарын төзергә, җитештерү процессын оештырырга өйрәнәчәк.

Фото: Денис Гордийко

(Казан шәһәре KZN.RU, 28-нче сентябрь). 4-нче октябрь көнне Казанда Эшкуарлыкка ярдәм итү фондының «Минем бизнес» үзәгендә «Эшкуар әлифбасы» дигән биш көнлек бушлай тренинг старт ала.

Анда катнашучылар бизнес-проект үсешенең барлык этапларын, маркетинг һәм оештыру планнарын ничек төзергә, проект концепциясен эшләргә, продуктның үзкыйммәтенә исәп тотарга, шулай ук җитештерү процессын төзергә өйрәнәчәк. Спикер сыйфатында «МСП Корпорациясе» Акционерлык ьщмгыятенең сертификацияләнгән тренеры Асель Бекеева чыгыш ясаячак.

Тренинг башлап җибәрүче эшмәкәрләр һәм үз эшен ачарга планлаштыручы затлар өчен эшләнгән. Чара нәтиҗәләре буенча катнашучылар эшләтеп җибәрү өчен үз проектын эшләячәк, шулай ук «Эшкуарлык мәктәбе» программасы буенча тагын бер курс уза алачак, дип хәбәр итә Татарстан Республикасы Икътисад министрлыгының Матбугат хезмәте.

Тренингта катнашу өчен сылтама буенча теркәлергә кирәк.

Шулай ук укыгыз

Барлык яңалыклар