Казанда гуманитар ярдәм җыю пунктлары эше дәвам итә

Шәһәрлеләр мобилизацияләнүчеләр, аларның гаиләләре һәм Лисичанскида яшәүчеләр өчен җылы кием, дарулар һәм азык-төлек тапшыра ала.

Фото: Марат Мөгыйнов

(Казан шәһәре KZN.RU, 18 нче ноябрь). Казанда мобилизацияләнүчеләр, аларның гаиләләре, «Тимер» һәм «Алга» батальоннары хезмәткәрләре һәм Лисичанскида яшәүчеләр өчен гуманитар ярдәм җыю буенча 17 пункт эшләүләрен дәвам итә. 6 нокта – сәүдә объектларында, калганнары шәһәр спорт комплексларында ачык.

Резидентлар әйберләрне көн саен 10:00 сәгатьтән 20:00 сәгатькә кадәр тапшыра ала. Җыю пунктлары шәһәрнең һәр районында оештырылган. Барлык нокталар да «Игелекле Казан» логотибы белән билгеләнде.

Гуманитар ярдәм җыю пунктлары түбәндәге адреслар буенча урнашкан:

Адоратский, 12;

Ваһапов, 17а («Ак Бүре» УСК);

Восстание, 115а;

Гаврилов, 48а («Алтын алка» СК);

Гагарин, 56 («Тасма»);

Гәрәев, 92;

Н.Ершов, 7 («Хезмәт резервлары» стадионы);

Копылов, 1а;

Курск, 10б;

Ленинград, 26 («Мотор» СК);

Стадион, 1а («Ракета» стадионы);

Ташаяк, 2а (Үзәк стадион);

Җ.Фәйзи, 2а (Бокс һәм өстәл теннисы үзәге);

Футбол, 1 («Локомотив» стадионы);

Халтурин, 3 («Баско» СК);

Химиклар, 40 («Форвард» СК);

Чуйков, 8 («Ватан» СК).

Гуманитар ярдәм җыю пунктларында озак саклана торган азык-төлек товарлары, гигиена чаралары, җылы кием, аяк киеме һәм көнкүреш әйберләре – батарейкалар, энә һәм җеп җыелмалары, фонарьлар, туристик пенкалар, рюкзаклар һәм термослар кабул ителә. Кирәкле исемлекне сылтама буенча карарга мөмкин.

Хезмәткәрләре үзәкләштерелгән рәвештә әйберләр җыйган предприятиеләр йөкне складка китерүдә ярдәм ала ала. Тулырак мәгълүматны «Игелекле Казан» кайнар линиясе телефоны аша белергә була: +7(843)558-74-18.

Гуманитар ярдәм җыюда мәктәпләр, балалар бакчалары һәм сәнәгать предприятиеләре катнаша. Узган атнада әйберләрне 7 нче һәм 19 нчы номерлы гимназияләр, «3 нче номерлы тимер-бетон эшләнмәләр заводы» АҖ коллективлары тапшырды.

Исегезгә төшерәбез, 10 нчы ноябрьдә Казаннан Лисичанскига 100 тоннадан артык гуманитар ярдәм белән 5 фура китте. Горький шоссесында урнашкан складтан йөк җибәрүне ТР башкаласы Мэры Илсур Метшин контрольгә алды. Ел ахырына кадәр «Ярдәм янәшә!» хәрәкәте белән берлектә мондый өч рейс оештыру планлаштырыла. Йөк Лисичанскига килеп җитте инде. Шефлыкка алынган шәһәр администрациясе Казаннан гуманитар ярдәм шәһәрне азат иткәннән бирле күләме буенча иң зурысы булуын билгеләп үтте.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар