В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
06.03.2025, 10:57
Туры авиарейслар 5 майдан Казан һәм Әстерханны тоташтырачак
Очышлар дүшәмбе һәм чәршәмбе көннәрендә башкарылачак
5 майдан Казан белән Әстерханны туры даими авиарейслар тоташтырачак. Бу пассажирларга ике шәһәр арасында тиз һәм уңайлы хәрәкәт итәргә мөмкинлек бирәчәк, шулай ук башка популяр юнәлешләргә уңайлы күчеп утыру мөмкинлекләрен ачачак.
Nordwind Airlines «Икар» авиакомпаниясе белән берлектә дүшәмбе һәм чәршәмбе көннәрендә 110 пассажир урынына исәпләнгән Embraer 190 самолетларында очышлар башкарачак.
Туры маршруттан тыш, гражданнар «Казан» халыкара аэропорты аша Әстерхан һәм Санкт-Петербург, Калининград, Новокузнецк, Омск, Красноярск, Минеральные Воды, Горно-Алтайск һәм Улан-Удэ шәһәрләре арасында сәяхәт итү өчен тоташу рейсларыннан файдалана алачак, дип хәбәр иттеләр ТР транспорт һәм юл хуҗалыгы министрлыгында.
Элегрәк билгеле булганча, 20 марттан China Eastern Airlines авиакомпаниясе Шанхайдан Казанга рейслар санын арттырачак. Бу юнәлеш буенча очыш программасын киңәйтү җәйге чорга да кагылачак.
Исегезгә төшерәбез, узган ел Габдулла Тукай исемендәге «Казан» халыкара аэропорты 5 млн 369 мең пассажирга хезмәт күрсәткән.
Шулай ук укыгыз
-
24.07.2025, 12:00 -
24.07.2025, 11:22 -
23.07.2025, 17:46 -
23.07.2025, 17:27