Владимир Путин белән туры линия 7 июньдә 12.00 сәгатьтә эфирга чыгачак

Сорауларны телефон аша шалтыратып, смс җибәреп, мобиль кушымта һәм социаль челтәрләр аша бирергә мөмкин.

(Казан шәһәре KZN.RU, 30-нчы май). Владимир Путин белән ел саен үткәрелә торган туры линия махсус программасы 7 июньдә Мәскәү вакыты белән 12.00 сәгатьтә эфирга чыгачак. Тапшыруны “Первый”, “Россия 1”, “Россия 24”, “ОТР” телеканаллары, “Маяк”, “Вести FM” һәм “Радио России”. Радиостанцияләре тапшырачак.

Дәүләт башлыгы илебезнең иҗтимагый-сәяси һәм социаль-икътисади өлкәләрендә, шулай ук халыкара хәл буенча гражданнарны кызыксындырган сорауларга җавап бирәчәк.

Сорауларны телефон аша шалтыратып, смс яисә ммс-хәбәр җибәреп, тапшыру сайты һәм социаль челтәрләр аша бирергә мөмкин.

Туры линиягә мөрәҗәгатьләрне “ВКонтакте” һәм “Одноклассники” социаль челтәрләре кулланучылары җибәрә ала.

Моннан кала, эфир вакытында студия белән элемтәгә “Москва – Путину” һәм “ОК Live” мобиль кушымталарын кулланучылар да чыга ала.

Сораулар 27 май 8.00 сәгатьтән 7 июньдә тапшыру азагына кадәр кабул ителә. Актуль сораулар Президентка туры эфир вакытында биреләчәк, дип хәбәр итә kremlin.ru.

Мөрәҗәгатьләрне эшкәртү буенча бердәм үзәккә 8-800-200-40-40 номеры буенча шалтыратырга мөмкин. Шәһәр һәм мобиль телефоннардан шалтырату – бушлай. Чит илдән +7-499-550-40-40, +7-495-539-40-40 телефоннары аша шалтыратырга мөмкин.

SMS һәм MMS-хәбәрләр рәвешендәге сораулар Россия элемтә операторларыннан 0-40-40 телефоны аша кабул ителә. Сорау тексты рус телендә һәм 70 билгедән артмаган булырга тиеш.

Сорауны шулай ук moskva-putinu.ru (москва-путину.рф) сайты аша да бирергә мөмкин.

27 майдан “Москва – Путину” рәсми мобиль кушымта аша да сорау биреп була.

7 июньдә тапшыру сайтында һәм Россия Иҗтимагый телевидениесы (ОТР) эфирында тапшыруны сурдотәрҗемә белән карап булачак.