14 нче декабрьдә Владимир Путинның туры линиясе һәм зур матбугат конференциясе узачак

14 нче декабрьдә Владимир Путинның туры линиясе һәм зур матбугат конференциясе узачак

<p> </p> <div class="detail-picture"> <img src="https://kzn.ru/upload/iblock/aea/aeaa44984ed93c68bb40a4ab9cc6bda6.jpg"> <p class="detail-picture__caption"> Фото: kremlin.ru </p> </div> <p> </p> <p> (Казан шәһәре KZN.RU, 30 нчы ноябрь). Россия Президенты Владимир Путин 14 нче декабрьдә туры линия һәм еллык матбугат конференциясе үткәрәчәк, дип хәбәр итте дәүләт башлыгының матбугат сәркатибе Дмитрий Песков. </p> <p> «14 нче декабрьдә Владимир Путин ел йомгакларын ясаячак, әлеге программа элеккечә телевизион каналлар проекты булачак. Бу – туры линия һәм йомгаклау матбугат конференциясенең берләштерелгән форматы», – дип җиткергән Дмитрий Песков. </p> <p> 1 нче декабрьдән гражданнардан туры линия өчен сораулар кабул ителәчәк. Аларны СМС аша 0-40-40 номерына, <a target="_blank" href="https://moskva-putinu.ru/">сайт</a> һәм «ВКонтакте» белән «Одноклассники» социаль челтәрләрендәге мобиль кушымталар аша, шулай ук +7(800)200-40-40 бушлай номер буенча җибәрергә мөмкин. </p> <p> Кол-үзәктә сорауларны волонтерлар һәм Гомумроссия халык фронты хезмәткәрләре кабул итәчәк. Редакторлар иң актуаль сорауларны сайлап алачаклар һәм аларны дәүләт башлыгына тәкъдим итәчәк. Владимир Путин җавап бирәчәк сорауларны үзе сайлый. </p> <p> Матбугат секретаре шулай ук чараның үзенчәлекле характерда булачагын, шуңа күрә аның төгәл хронометражы ясалмаячагын өстәде. </p>

2023-11-30T16:13:30+0300