Казанда һәм Югары Ослан һәм Лаеш районнары территорияләренең кайбер өлешләрендә янгынга каршы режим кертелә

9 июньнән 7 июльгә кадәр коры чирәм һәм чүп яндырырга, шулай ук ачык һавада ризык әзерләргә тыела.

(Казан шәһәре KZN.RU, 6-нчы июнь). 9 июньнән 7 июльгә кадәр Казанда һәм Югары Ослан районының Введенский Бистәсе авыл җирлеге һәм Лаеш районының Столбище авыл җирлеге территорияләрендә янгынга каршы махсус режим кертелә. 417 номерлы карар ТР Министрлар кабинетында 2018 елның 2 июнендә имзалана. Биредә барлык категорияле җирләрдә дә коры чирәм һәм чүп яндырырга катгый тыела.

Шул ук вакытта ачык һавада, урман-паркларны кертеп (махсус оештырылган мәйданчыклардан тыш), ТР территориясендә урнашкан, урман, торфлы учатоклар белән чиктәш булган бакчачылык ширкәтләрендә, урман массивларыннан кимендә 50 метр аралыгында урнашкан ачык территорияләрдә ризык әзерләргә (учак һәм мангалларны дә кертеп) тыела.

Әлеге чикләүләр Югары Ослан муниципаль районының Введенский Бистәсе авыл җирлегендә урнашкан “Дачное” сугыш һәм хезмәт ветераннарының коммерцияле булмаган бакчачылык ширкәтенә кагыла

Моннан кала, билгеләнгән вакыт аралыгында әлеге территорияләрдә ДЧ-2018 уздыруда файдаланылган объектлардан 100 метрга кадәрге арада 1-3 класслы пиротехник эшләнмәләрне куллану тыела.

Гадәттән тыш хәлләр министрлыгының ТР буенча Баш идарәсе матбугат хезмәте искәртеп үткәнчә, закон буенча, әлеге вакыт аралыгында РФ Административ хокук бозулар турындагы кодексның 20.4 маддәсенең 2-нче өлеше белән янгынга каршы таләпләрне үтәмәү өчен каралган җәза күләме арта. Янгынга каршы таләпләрне үтәмәгән өчен гражданнарга 2-4 мең сум, вазыйфаи затларга 15-30 мең сум, юридик затларга 400-500 мең сум күләмендә штраф каралган.

Шулай ук укыгыз

Барлык яңалыклар