«Сәйдәш» мәдәният үзәгендә «Безнең җыр» иҗат лабораториясе тыңлаулары узды

«Сәйдәш» мәдәният үзәгендә «Безнең җыр» иҗат лабораториясе тыңлаулары узды

<p> </p> <div class="detail-picture"> <img src="https://kzn.ru/upload/iblock/062/0626f6fb2280660e516ce120d2415741.jpg"> <p class="detail-picture__caption"> Фото: Тел культурасы өлкәсендә милли сәясәтне гамәлгә ашыру бүлеге </p> </div> <p> </p> <p> «Сәйдәш» мәдәният үзәгендә «Безнең җыр» иҗади лабораториясе тыңлаулары узды. Жирәбә салу ярдәмендә 16 команда билгеләнде, аларның составына шагыйрьләр, композиторлар һәм башкаручылар керде. </p> <p> Һәр өчлек яңа җыр язарга тиеш. Композицияне халык ишеткәнче, аны экспертларга тәкъдим итәчәкләр. Бу сезонда эшләрне ТР атказанган сәнгать эшлеклесе, ТР Дәүләт камера хоры җитәкчесе һәм дирижеры Миләүшә Таминдарова, ТР атказанган сәнгать эшлеклесе, шагыйрь Рәмис Аймәт һәм Башкорт дәүләт филармониясе солисты Зөлфия Авзалова бәяли. </p> <p> Беренче тыңлау вакытында дүрт команданың җырлары финалга әзер дип танылды. Тагын берничә әсәр барлыкка килү процессында. Шулай итеп, икенче тыңлауларда тугыз команда катнашты. </p> <p> Авторлар мәхәббәт һәм гаилә турында җырлар, бәйрәм, балалар һәм патриотик композицияләр тәкъдим иттеләр. Һәр өч кешедән торган команда экспертлардан киңәшләр һәм теләкләр алды. </p> <p> 28 нче майда Г.Тукай исемендәге Татар дәүләт филармониясе сәхнәсендә гала-концерт узачак, ул «Безнең җыр» иҗат лабораториясе нәтиҗәсе булачак, дип хәбәр итә Казан Башкарма комитетының тел культурасы өлкәсендә милли сәясәтне гамәлгә ашыру бүлеге. </p>

2024-02-06T16:22:00+0300