Казанның Вахитов районы прокуратурасын Артур Абуталипов җитәкләде

Казанның Вахитов районы прокуратурасын Артур Абуталипов җитәкләде

<p> (Казан шәһәре KZN.RU, 6-нчы апрель). Россиянең Генераль прокуроры фәрманы белән Казанның Вахитов районы прокуратуры вазыйфасына юстиция өлкән киңәшчесе Артур Абуталипов билгеләнде. Бүген Татарстан прокуроры вазыйфасын башкаручы Сергей Старостин район прокуратурасы коллективына яңа җитәкчене тәкъдим итте.<br> </p> <p> Искәртергә кирәк, моңа кадәр әлеге вазыйфаны биләгән Владимир Посохов 2017 июлендә хокукый статистика идарәсе җитәкчесе итеп билгеләнде. </p> <p> Артур Ринат улы Абуталипов 1977 елның 18 мартында Казанда туа. 1998 елда В.И.Ульянов-Ленин ис. Казан дәүләт университетының юридик факультетын һәм Казан дәүләт технологик университетының икътисад факультетын тәмамлый. </p> <p> Прокуратура органнарында хезмәт юлын 1998 елда республика прокуратурасында икътисад өлкәсендә җинаятьләрне тикшерү бүлеге тикшерүчесе вазыйфасында башлый. </p> <p> 2002 елда – республика прокуратурасының финанслар өлкәсендә законнарның үтәлешен тикшерү бүлеге прокуроры һәм өлкән прокуроры. </p> <p> 2002-2003 елларда – Түбән Кама шәһәр прокуроры урынбасары. </p> <p> 2003-2007 елларда – Казан прокурорының төзәтү учреждениеләрендә законнар үтәлешен тикшерү мәсьәләләре буенча урынбасары. </p> <p> 2007-2011 елларда – Казанның Яңа Савин районы прокуроры урынбасары. </p> <p> 2011-2014 елларда – төзәтү учреждениеләрендә законнар үтәлешен тикшерү буенча Казан прокуроры. </p> <p> 2014-2016 елларда – республика прокуратурасының ТР буенча Россия Эчке эшләр министрлыгында, Наркотиклар әйләнешен контрольдә тоту федераль хезмәтенең ТР буенча идарәсендә, Суд приставлары федераль хезмәтенең ТР буенча идарәсендә, Россия Гадәттән тыш хәлләр министрлыгының ТР буенча Баш идарәсендә сорау алу барышын һәм җинаять-процессуаль һәм оператив-эзләү эшчәнлеге идарәсенең оператив-эзләү эшчәнлеген тикшерү бүлеге җитәкчесе. </p> <p> 2016-2018 елларда – республика прокуратурасының ТР буенча Россия Эчке эшләр министрлыгында, Суд приставлары федераль хезмәтенең ТР буенча идарәсендә, Россия Гадәттән тыш хәлләр министрлыгының ТР буенча Баш идарәсендә сорау алу барышын һәм җинаять-процессуаль һәм оператив-эзләү эшчәнлеге идарәсенең оператив-эзләү эшчәнлеген тикшерү бүлеге җитәкчесе. </p>

2018-04-06T10:49:59+0300