Кремль урамы буйлап сәяхәт: Гермес жезлы, «Франция» номерлары һәм пассажлар

Социаль челтәрләрдә шәһәр Мэриясе аккаунтларына язылучылар үзәк урамнарның берсе турында кызыклы фактлар белделәр.

(Казан шәһәре KZN.RU, 25-нче июль). Кремль урамы тарихы белән кичә казанлылар – социаль челтәрләрдә шәһәр мэриясенең рәсми аккаунтларына язылучылар - танышты. Казанның үзәк урамнарының берсе буйлап экскурсияне тарихчы Лилия Кәлимуллина үткәрде.

Сәяхәт Кремль диварлары янында, Беренче Май мәйданыннан башланды. Экскурсовод җыелган кешеләргә бу мәйданның элек нинди булуы, кунак йортының йөзе ничек үзгәрүе, хәзер анда ТР Милли музее урнашуы һәм әлеге бинаның фасадында кемнәрнең инициалларын күрергә мөмкин булуы турында сөйләде. Экскурсиядә катнашучылар шәһәр Мэриясе бинасы тарихы белән танышып кына калмадылар, Башкарма комитет җитәкчелеге һәм Казан Мэры катнашында иң мөһим чараларның, аерым алганда, атна саен үткәрелә торган эшлекле дүшәмбеләрнең кайда узуы турында белделәр.

Сәяхәт вакытында шәһәр халкы Кремль урамының төрле вакытларда нинди исем йөртүен, кадуцейны (борынгы грек Алласы Гермесның жезлы) кайсы бинада табып булуын, «Франция» номерларының кайда урнашканын белделәр, шулай ук Александровский һәм Чернояровский пассажирларының, шулай ук XX гасыр башында төзелгән, хәзер анда ТР Милли китапханәсе урнашкан Ушкова йортының фасадларын карап хозурландылар.

Экскурсия Казан федераль университетының студентлар шәһәрчегендә тәмамланды.

Традиция буенча экскурсиядә катнашучыларның иң игътибарлылары бүләкләр - «Золотая Орда и Причерноморье. Уроки Чингисидской империи» күргәзмәсенә чакыру билетлары алдылар, ул «Эрмитаж-Казан» үзәгендә уза.

Теләгән һәркем Казан тарихыннан кызыклы фактларны белә һәм шәһәрдәге яхшы таныш урыннарга яңача карый ала. «ВКонтакте» һәм Instagram социаль челтәрләрендә шәһәр Мэриясенең рәсми аккаунтларында Казан буенча булачак сәфәрләрнең анонсларын күзәтеп барырга мөмкин.

Шулай ук укыгыз

Барлык яңалыклар