«Үзенчәлекле акылга ия затлар өчен программалаштыру»: Казанда менталь тайпылышлары булган балалар өчен онлайн курс башланды

Курста катнашу өчен 100 дән артык гариза тапшырылган

Денис Гордийко фотосы

Бүген Казанның «Сәмруг» инклюзия үзәгендә менталь тайпылышлары булган балалар өчен «Үзенчәлекле акылга ия затлар өчен программалаштыру» дип аталган бушлай онлайн курс эшли башлады. Чарада катнашу өчен 107 гариза тапшырылган – барлык балалар да остазларының ярдәменә өмет итә ала. Курска Бөтендөнья аутизм мәсьәләсе турында мәгълүмат тарату көненә туры китереп старт бирелгән.

Программа балаларга төп цифрлы күнекмәләрне үзләштерергә, игътибарны, хәтерне, логик фикерләү сәләтен үстерергә һәм IT өлкәсендә беренче адымнар ясарга ярдәм итә.

Проект шәһәр халкында зур кызыксыну уяткан: курста катнашу өчен 107 гариза кабул ителде, дип хәбәр итә оештыручылар. Балаларның барысы да IT өлкәсендәге экспертлар белән аерым элемтәгә керәчәк, укыту барышында остазлар ярдәмен тоячак.

Курс ике модульдән тора. Беренчесендә балалар Scratch та визуаль программалаштыру нигезләрен – уеннар һәм мультфильмнар булдырырга өйрәнә ала, икенчесендә исә HTML һәм CSS та веб-сайтлар эшләү буенча беренче адымнарын ясаячак.

Яздырылган курс материалларын һәр кеше куллана ала, дип билгеләде оештыручылар.

Шулай ук укыгыз

Барлык яңалыклар