Шәһәрнең троллейбус һәм трамвайларында юлда йөрү өчен 23,3 мең тапкырдан артыграк геолокация һәм QR-код буенча түләгәннәр

Шәһәрнең троллейбус һәм трамвайларында юлда йөрү өчен 23,3 мең тапкырдан артыграк геолокация һәм QR-код буенча түләгәннәр

<p> ТР башкаласында пассажирлар җир өсте электр транспортында юлда йөрү өчен геолокация һәм QR-код буенча 23 мең 353 тапкыр түләгән. «Казан транспорт» мобиль кушымтасында бу хезмәт ике ай элек күрсәтелә башлады. Бу вакыт эчендә сервисны 108 меңнән артык кулланучы йөкләп алып урнаштырган. </p> <p> «Метроэлектротранс» МУП матбугат хезмәтендә хәбәр итүләренчә, билет сатып алу өчен кушымтада банк картасын ялгарга, Bluetoothны кабызырга һәм урын белән уртаклашырга кирәк. Программа автомат рәвештә маршрутны билгеләячәк. Юл йөрү өчен түләү аны раслаганнан соң алына. </p> <p> Моннан тыш, җир өсте электр транспортында QR-кодлы мәгълүмати стикерлар яңартылды. Алар буенча юл йөрү өчен кушымтада түләргә мөмкин. </p> <p> «Казан транспорт» сервисы 2022 елның гыйнварында эшли башлады. Яңа функцияне гамәлгә кертү турында Kazan Digital Week – 2024 форумы вакытында билгеле булды. </p> <p> Исегезгә төшерәбез, бүгенге көндә линиягә чыга торган барлык 244 берәмлек җир өсте электр транспорты юл йөрү өчен түләүнең кондукторсыз системасы буенча <a target="_blank" href="https://kzn.ru/meriya/press-tsentr/novosti/letom-v-kazani-vse-tramvai-i-trolleybusy-perevedut-na-beskonduktornuyu-sistemu-oplaty-proezda/?lang=ta">эшли</a>. Пассажирлар акчалата йөртүчегә түләргә мөмкин. </p>

2025-01-17T13:11:00+0300