Кабан күлен реконструкцияләү проекты WAF Бөтендөнья архитектура фестивале премиясенә лаек булды

<h1></h1> <div> </div> <img src="https://kzn.ru/upload/iblock/bc3/DEN_8324-870.jpg"> <div class="detail-picture"> <p class="detail-picture__caption"> Фото: Денис Гордийко </p> </div> <p> (Казан шәһәре KZN.RU, 9-нчы декабрь). Кабан күлен реконструкцияләү проекты World Architecture Festival 2021 премиясен отты. Аны «Шәһәр ландшафты» категориясендә билгеләп үттеләр. Бу хакта Instagram битендә ТР Президенты ярдәмчесе Наталия Фишман-Бекмамбетова хәбәр итте. </p> <p> «Кабан күле яр буе – минем иң яраткан проектларымның берсе. Шуңа күрә миңа яр буеның халыкара бүләкләр яулавын күрү аеруча күңелле», – дип язган ул. </p> <p> Концепцияне халыкара конкурста җиңүче булган Turenscape/MAP Россия-Кытай консорциумы, эскиз проектын «Архитектура десанты» бюросы эшләгән. <a href="https://kzn.ru/meriya/press-tsentr/novosti/d-kalinkin-v-etom-godu-byli-bolshie-zatraty-na-gorodskie-parki-no-rezultaty-togo-stoyat/" target="_blank">Яңартылган яр буеның</a> беренче участогы 2018 елның җәендә ачылды. </p> <p> World Architecture Festival – ул ел саен үткәрелә торган архитектура һәм девелопментка багышланган, иң дәрәҗәле чараларның берсе дип саналган фестиваль һәм бүләкләү тантанасы. «Шәһәр ландшафты» категориясендә шорт-листка кергән Австралия, Германия, Кытай, Таиланд, Берләшкән Гарәп Әмирлекләре, Тайваньнан проектлар да иң яхшысы булу өчен көрәште, дип хәбәр ителә премия сайтында. </p> <p> Исегезгә төшерәбез, элегрәк Казансу елгасының үсеше стратегиясе һәм Кабан күле яр буе архитектура, интерьерлар дизайны һәм төзелеш өлкәсендә <a href="https://kzn.ru/meriya/press-tsentr/novosti/naberezhnaya-ozera-kaban-i-strategiya-razvitiya-kazanki-poluchili-zvanie-arkhitekturnyy-dizayn-goda/" target="_blank">BLT Built Design Awards </a>халыкара премиясе нәтиҗәләре буенча дөньяның иң яхшы проектлары исемлегенә керде. </p>

2021-12-09T10:07:54+0300