Четаев урамындагы дүртенче проблемалы йорт яшәргә яраклы булуы турында бәяләмә алды

18 катлы торак йортта 142 фатир бар.

(Казан шәһәре KZN.RU, 24-нче апрель). Казанда «Свея» төзелеше - Четаев ур., 14 адресы буенча урнашкан йорт яшәргә яраклы булуы турында бәяләмә алды. 18 катлы торак йортта 142 фатир файдалануга әзер.

19-нчы апрельдә ТР Дәүләт төзелешен күзәтү инспекциясе төзелгән, үзгәртеп корылган капиталь төзелеш объектының проект документларының таләпләренә, шул исәптән энергетика нәтиҗәлелеге таләпләренә һәм капиталь төзелеш объектының кулланыла торган энергетика ресурсларын исәпкә алу җайланмалары белән тәэмин ителеш таләпләренә туры килүе турында бәяләмә белән торак йортның әзерлеген раслады.

Бинаның гомуми мәйданы 8713,6 кв. м. тәшкил итә. Исегезгә төшерәбез, әлеге йортны «Бриз» төзелеш компаниясе җаваплылыгы чикләнгнә җәмгыяте төзеп бетерде, ул техник заказчы булып тора. Төзелеш эшләре озак вакытка сузылган объектта эшләр узган елның көзендә яңартылды. Янәшәдәге территориядә балалар мәйданчыгы, ял һәм парковка урыннары төзекләндерелде. Проектны гамәлгә ашырганда төзүче тарафыннан халыкның аз хәрәкәтләнүче төркемнәре өчен таләпләр исәпкә алынган, дип билгеләп үтелә ТР Дәүләт төзелеш күзәтчелеге инспекциясе сайтында.

Объект файдалануга тапшырылырга әзерләнә, шуннан соң йорттагы фатирларны әлеге төзелешкә акча керткән 142 өлеш кертеп фатир алырга әзрләнгән кеше алачак.

Шулай ук укыгыз

Барлык яңалыклар