Кабан күленә килгән аккошлар Казан зооботаника бакчасында кышлаячак

Кабан күленә килгән аккошлар Казан зооботаника бакчасында кышлаячак

<p> <img src="https://www.kzn.ru/upload/iblock/338/870.jpg"><br> </p> <p> <span style="color: #3d3d3d;">(Казан шәһәре KZN.RU, 26-нчы ноябрь, Алинә Бережная). Кабан күленә килгән аккошлар өчен Казан зооботаника бакчасы вакытлыча яшәү урыны булачак.</span> </p> <p> <span style="color: #3d3d3d;">Казан зоопаркы матбугат хезмәтендә хәбәр итүләренчә, кошлар тормышына берни дә янамый, аларга беренче медицина ярдәме күрсәтелгән. «Аккошлар үзләрен яхшы хис итә, аларның аппетиты барлыкка килде, кәефләре күтәрелде, 30 көн дәвамында алар ветеринария табиблары күзәтүе астында карантинда торачак», – дип аңлаттылар зооботаника бакчасында.</span> </p> <p> <span style="color: #3d3d3d;">Исегезгә төшерәбез, кичә Кабан күлендә шәһәрлеләр өч күчмә аккошны күргән. Кошлар сулыкның элеккеге хуҗалары – шипун токымлы аккошлар гаиләсе белән территорияне бүлешмәгән, алар «кунаклар»ны җылытыла торган йортларына кертергә теләмәгән. Нәтиҗәдә, килгән аккошларның берсенең канатына зыян килгән. Парклар һәм скверлар дирекциясе хезмәткәрләре Казан зооботаника бакчасы коткаручылары һәм хезмәткәрләре белән бергә махсус операция үткәргәннәр: Кабан күленнән ике аккошны алып, вакытлыча яшәү урынына илткәннәр.</span> </p> <p> <span style="color: #3d3d3d;">Коткару операциясе бүген дә дәвам итәчәк – белгечләр, өченче аккошны тотып, зооботаника бакчасына илтергә планлаштыралар.</span> </p>

2019-11-26T11:17:55+0300