Казанның шәһәр яны поездлары җәйге җәдвәл буенча йөри башлаячак

Пассажирлар агымы арту сәбәпле, яңа поездлар өстәләчәк.

Фото: Денис Гордийко

(Казан шәһәре KZN.RU, 7 нче апрель). Казанда шәһәр яны поездларының хәрәкәт җәдвәле җәйге эш режимына күчү сәбәпле үзгәрәчәк. Пассажирлар күп булу сәбәпле, яңа поездлар өстәлә. Шулай ук кайбер электричкаларның җәдвәле һәм маршруты да үзгәрәчәк.

Шулай итеп, пассажирлар агымы арту һәм җәйге эш режимына күчү сәбәпле, түбәндәге электричкалар билгеләнә:

15 нче апрельдән 9 нчы октябрьгә кадәр 6383 нче номерлы Казан – Йошкар-Ола поезды җомга, шимбә һәм якшәмбе көннәрендә йөриячәк (14:18 сәгатьтә китә, 17:45 сәгатьтә килә);

16 нчы апрельдән 10 нчы октябрьгә кадәр 6382 нче номерлы Йошкар-Ола – Казан поезды шимбә, якшәмбе һәм дүшәмбе көннәрендә йөриячәк (7:43 сәгатьтә китә, 11:05 сәгатьтә килә);

30 нчы апрельдән 25 нче сентябрьгә кадәр 6001 нче номерлы Казан – Төрлемә поезды йөриячәк (8:05 сәгатьтә китә, 9:45 сәгатьтә килә);

2 нче майдан 30 нчы сентябрьгә кадәр 6001 нче номерлы Казан – Зөя поезды дүшәмбедән җомгага кадәр йөриячәк (8:05 сәгатьтә китә, 9:18 сәгатьтә килә);

2 нче майдан 30 нчы сентябрьгә кадәр 6431 нче номерлы Арча – Казан поезды дүшәмбедән җомгага кадәр йөриячәк (19:32 сәгатьтә китә, 21:13 сәгатьтә килә);

2 нче майдан 30 нчы сентябрьгә кадәр 6431 нче номерлы Казан – Арча поезды дүшәмбедән җомгага кадәр йөриячәк (12:24 сәгатьтә китә, 15:01 сәгатьтә килә).

Моннан тыш, 2 нче майдан 30 нчы сентябрьгә кадәр 6434 нче номерлы Казан – Арча шәһәр яны поезды җәдвәлдән чыгарылачак (13:14 сәгатьтә китә, 14:52 килә).

Шулай ук кайбер шәһәр яны поездларының йөрү маршруты озайтыла:

30 нчы апрельдән 30 нчы сентябрьгә кадәр 6420 нче номерлы Казан – Кукмара поезды Нократ Аланы станциясенә кадәр хәрәкәт итәчәк (6:04 сәгатьтә китә, 9:08 сәгатьтә килә);

30 нчы апрельдән 30 нчы сентябрьгә кадәр 6425 нче номерлы Кукмара – Казан поезды Нократ Аланы станциясеннән хәрәкәт итәчәк (11:53 сәгатьтә китә, 15:04 сәгатьтә килә).

Барлык маршрутлар буенча тулырак мәгълүматны +7(937)625-04-33 телефоны буенча (тәүлек буе), транспорт компаниясе сайтында, «РЖД пассажирам» мобиль кушымтасында, кассаларда һәм тукталыш пунктларындагы мәгълүмат стендларында алырга мөмкин, дип хәбәр итә «Содружество» АҖ матбугат хезмәте.

Шулай ук укыгыз

Барлык яңалыклар