Чүпне аерып җыю буенча пилот проектына волонтерлыкка гаризалар кабул итү вакыты бер атнага озынайтылды

Волонтерлар шәһәрлеләргә чүпне аерып җыю кагыйдәләрен аңлатачаклар.

(Казан шәһәре KZN.RU, 27-нче июль). Казанда Авиатөзелеш районында чүпне аерып җыю буенча пилот проектында катнашу өчен волонтерлар җыю озынайтылды. Теләүчеләр проектка 3 августка кадәр кушыла ала. Волонтерлар шәһәрлеләргә проект башланган беренче көннәрдә чүпне аерып җыю кагыйдәләрен аңлатачак.

Искәретргә кирәк, коммуналь калдыкларны аерып җыю буенча пилот проекты Авиатөзелеш районында 1 августта башлана. 109 контейнер мәйданчыгында каты коммуналь калдыкларны аерып җыю өчен сары һәм соры төсле кәгазьләр ябыштырылган 428 контейнер урнаштырыла. Контейнерларга ябыштырылган кәгазьләрдә чүпне кайсы контейнерга ташлау кирәклеге күрсәтелгән була. Сары кәгазьле контейнерларга эшкәртергә яраклы чиста калдыклар салыначак, соры кәгазьлесенә – аеру өчен яраксыз юеш калдыклар.

Проект гамәлгә ашырылган беренче көннәрдә волонтерлар ярдәме кирәк, алар контейнерлар янында кешеләргә чүп аеру кагыйдәләрен аңлатачак. Эшне башлар алдыннан волонтерларга проект турында сөйләячәкләр һәм кагыйдәләр белән таныштырачаклар.

Теләүчеләр (843) 590-04-26 (өстәмә 2312) телефоны буенча ТКХ комитетына яисә (843) 524-75-33 номеры буенча “Авиатөзелеш районы” идарә итүче компаниясенә шалтыратып, түбәндәге мәгълүмат калдыра ала: исем-фамилиягез, элемтә өчен номер, проектка никадәр вакыт багышлый алуыгыз. Гаризалар җомга, 3 августка кадәр кабул ителәчәк.

Шулай ук укыгыз

Барлык яңалыклар