«Казанга гашыйк бул» иҗади конкурсына гаризалар кабул итү октябрь ахырына кадәр дәвам итәчәк

Өч номинациянең һәрберсендә җиңүчеләр 50 мең сум күләмендә грант алачак

Фото: Денис Гордийко

(Казан шәһәре KZN.RU, 14 нче август, Диана Жиленкова). «Казанга гашыйк бул» иҗади проектлар конкурсына гаризалар кабул итү башланды. Җиңүчеләрне өч номинациядә билгеләячәкләр: «Казан турында иң яхшы видеоролик», «Туристик Казан» иң яхшы фотоэше» һәм «Казандагы туризм турында иң яхшы мәкалә». Бу хакта эшлекле дүшәмбедә Туризмны үстерү комитеты директоры Дарья Санникова хәбәр итте.

Аның сүзләренчә, катнашу өчен гаризаны 31 нче октябрьгә кадәр сылтама буенча бирергә мөмкин. Эшне шулай ук YouTube видеохостингында яки «ВКонтакте» социаль челтәрендә #ВлюбисьвКазань2023 хештегы белән урнаштырырга кирәк.

Һәр автор бер генә эш тәкъдим итә ала. Шәһәр тарихы, аның халкы һәм мөһим вакыйгалар турында искә алулар рөхсәт ителә. Эшләрне муниципаль хакимият вәкилләре, интернет-коммуникацияләр һәм медиа өлкәсендәге белгечләр бәяләячәк.

Һәр номинациядә җиңүчеләргә 50 мең сум күләмендә акчалата бүләк бирелә. Икенче урын өчен катнашучылар 30 мең сум, ә өченче урын өчен 15 мең сум алачак.