«Казань против коррупции! – Казан коррупциягә каршы!» конкурсына заявкалар кабул итү 15 нче ноябрьгә кадәр дәвам итәчәк

Өч номинациядә җиңүчеләрне акчалата бүләкләр көтә

Фото: Денис Гордийко

(Казан шәһәре KZN.RU, 12 нче сентябрь). ТР башкаласында яшәүчеләр «Казань против коррупции! – Казан коррупциягә каршы!» иҗади эшләр конкурсына кушыла ала. Җиңүчеләрне өч номинациядә билгеләячәкләр, аларны акчалата призлар көтә. Тиешле карар шәһәр муниципаль берәмлегенең документлар һәм хокукый актлар җыентыгында басылып чыга.

Анда урта һәм өлкән мәктәп яшендәге гомуми белем бирү учреждениеләре укучылары, югары һәм урта һөнәри белем бирү студентлары, 14 яшьтән 35 яшькә кадәрге яшьләр катнаша ала.

Конкурс өч этапта узачак. Беренче этап – заявкалар кабул итү – 15 нче ноябрьгә кадәр дәвам итәчәк. Эшләр өч номинациядә кабул ителә: «Иң яхшы коррупциягә каршы чара проекты», «Коррупциягә каршы юнәлешле иң яхшы видео» һәм «Коррупциягә каршы тематикага иң яхшы график плакат».

Материалларны anticorr.kzn@gmail.com электрон почтасына җибәрергә мөмкин (файлны йөкләү өчен сылтаманы күрсәтергә кирәк) яки шәхсән Кремль урамы, 1 (каб. 622) адресы буенча китереп бирергә була. Бу адреска почта белән җибәрү дә рөхсәт ителгән. Эшләр идеянең креативлыгы һәм яңалыгы, эчтәлекне ачу тирәнлеге, башкару сыйфаты һ.б. критерийлар буенча бәяләнәчәк.

Икенче этап кысаларында 22 нче ноябрьнең 11:00 сәгатеннән 29 нчы ноябрьнең 11:00 сәгатенә кадәр ачык онлайн-тавыш бирү узачак. Соңгы этап 9 нчы декабрьгә кадәр тәмамланачак. Һәр номинация өчен түбәндәге акчалата бүләкләр билгеләнгән:

«Коррупциягә каршы чараның иң яхшы проекты»

Беренче урын өчен 11 мең сум;

Икенче урын өчен сигез мең сум;

Өченче урын өчен алты мең сум;

Лауреатка кызыксындыру бүләге буларак ике мең сум.

«Коррупциягә каршы юнәлешле иң яхшы видео»

Беренче урын өчен 14 мең сум;

Икенче урын өчен 10 мең сум;

Өченче урын өчен җиде мең сум;

Ике лауреатка кызыксындыру бүләге буларак өч мең сум.

«Коррупциягә каршы тематикага иң яхшы график плакат»

Беренче урын өчен сигез мең сум;