Татарстан Президенты Казан агломерациясен үстерү мәсьәләсен өйрәнергә кушты

Шәһәр перифериясендә яшәү өчен шартлар тудырып кына калмыйча, эш урыннары булдыру да кирәк, дип саный Рөстәм Миңнеханов.

Фото: Казан шәһәре KZN.RU

(Казан шәһәре KZN.RU, 24-нче февраль, Алинә Бережная). ТР Президенты Рөстәм Миңнеханов Казан агломерациясен үстерү мәсьәләсен өйрәнергә – яшәү өчен шартлар гына түгел, эш урыннары да булдырырга кушты. Моның кирәклеге турында республика башлыгы бүген шәһәр Ратушасында узган дүртенче чакырылыш Казан шәһәре Думасының V сессиясендә белдерде.

Татарстан башкаласындагы бөкеләр турында Казан Мэры Илсур Метшин сөйләде. Шәһәр башлыгы 15 ел эчендә Казанга даими яшәү өчен 228 мең кеше күченүен билгеләп үтте, моннан тыш, Казан агломерациясе бик тиз үсә. «Без әйләнә-тирәдәге төзелешне көйләргә өлгермәдек. Лаешта гына да 70 мең кеше яши, Салмачыда тагын 40 мең кеше. Дәрвишләр бистәсендә шулкадәр үк кеше яши, әмма анда 7 мәктәп һәм 23 балалар бакчасы бар, ә Куюкада – бер мәктәп һәм балалар бакчасы», -– дип билгеләп үтте Илсур Метшин. Көн саен Салмачы аша гына да 6,5 мең машина чыга. «Бу мәсьәлә буенча без район башлыклары белән актив фикер алышабыз, әмма, кызганычка каршы, төзелеш темплары артыннан җитешмибез», – дип игътибар итте Илсур Метшин.

Рөстәм Миңнеханов ассызыклаганча, шәһәрдә Универсиадага төзелгән юл чишелешләре бүген инде транспорт йөкләнешен үти алмый. «Казан – лаеклы хезмәт хакы, эш урыннары булган, җәлеп итеп тора торган шәһәр, монда кешеләр күчеп килә, машиналар саны арта, әле 2013 елга төзелгән күп санлы борылышлар 5 ел кирәк булды», – диде ул.

Республика башлыгы икътисады алга киткән шәһәрне мисалга китерде, аерым алганда, Токионы, анда яшәү өчен урыннарда бөтен шартлар тудырылган. «Әгәр Лаеш, Питрәч, Яшел Үзән, Биектау районнарында яшәү һәм индустриаль мәйданчыклар төземәсәк, без бу проблеманы хәл итә алмаячакбыз», – диде ТР Президенты. Р.Миңнеханов якын-тирәдәге район кешеләренең Казанга эшкә килүен, шул ук вакытта шәһәргә керү юлларында бөкеләр артуын билгеләп үтте. «Әйе, алар Казанга йөрүдән туктамаячак, әмма моны көн саен эшләмәячәк», – дип ассызыклады ул.